मेष : सहनशील राहा
षष्ठस्थानातून अष्टमस्थानाकडे चंद्राचे भ्रमण होत आहे. सर्व दिवस जपून पाऊल टाकावे लागेल. सध्या आपली डाळ शिजणार नाही हे लक्षात ठेवा. आपण म्हणू ती पूर्व दिशा हे शक्य होणार नाही. काही गोष्टी तुमच्या मनाला पटणाऱ्या नसतील, पण त्या तुम्हाला पटवून घ्याव्या लागतील. कोणाच्या सांगण्या-बोलण्याकडे लक्ष देऊ नका. प्रत्येक गोष्टीत सहनशीलता ठेवा, त्यामुळे त्रास होणार नाही. तेव्हा पौर्णिमा तुमच्या सप्तम स्थानातून होत आहे. ही पौर्णिमा ठीक राहील. बाकी दिवस चांगले असतील. व्यवसायात नवीन काही करण्याचे नियोजन सध्या करू नका. नोकरदार वर्गाने कामात लक्ष द्यावे. आर्थिक बचत करणे योग्य राहील. समाजसेवा करताना भान ठेवा. कुटुंबाशी एकनिष्ठ राहा. आध्यात्मिक गोष्टींत गुंतून राहा. मानसिकदृष्टया समतोल राखा. प्रकृती जपा.
शुभ दिनांक : २४, २५
महिलांसाठी : स्वत:साठी वेळ द्या.
