श्रीलंकेमध्ये तामिळबहुल भागात २५ वर्षांनी मतदान

श्रीलंकेच्या उत्तरेकडील तामिळींचे प्राबल्य असलेल्या प्रांतात गेल्या २५ वर्षांत प्रथमच झालेल्या निवडणुकीत जवळपास ६० टक्के मतदारांनी मतदानाचा हक्क बजाविला. लष्कराने लिबरेशन टायगर्स ऑफ तामिळ इलमचा (एलटीटीई) पराभव करून वांशिक तिढा सोडविल्यानंतर चार वर्षांनी या निवडणुका झाल्या.
शनिवारी झालेल्या मतदान प्रक्रियेत कोणताही अनुचित प्रकार घडल्याचे वृत्त हाती आले नसून निकाल रविवारी अपेक्षित आहे. या प्रांतातील पाच जिल्ह्य़ांमधील मतदारांनी मतदानाचा हक्क बजाविला, असे निवडणूक अधिकाऱ्यांनी सांगितले. सायंकाळी ४७८ मतमोजणी केंद्रांवर मोजणीला सुरुवात झाल्याचेही अधिकारी म्हणाले.निवडणुका मुक्त आणि मोकळ्या वातावरणात पार पाडण्यासाठी खबरदारीच्या सर्व उपाययोजना आखण्यात आल्या होत्या. तामिळींचे प्राबल्य असलेल्या प्रांतातील मतदारांना विकासाच्या अधिक संधी हव्या आहेत की जनतेला अधिक स्वायत्तता हवी आहे, याची चाचणी या निवडणुकांमुळे होणार आहे.
जवळपास एक दशक सुरू असलेल्या वांशिक तिढय़ानंतर अल्पसंख्य तामिळींना स्वयंकारभाराची संधी देणाऱ्या या निवडणुका आहेत, असे सूत्रांचे म्हणणे आहे. प्रमुख तामिळ पक्ष असलेल्या तामिळ नॅशनल अलायन्सला (टीएनए) उत्तरेकडील प्रांतात,  विजय मिळेल, अशी शक्यता वर्तविण्यात येत आहे.

आणखी वाचा

‘शक्तिशाली’ भारतासाठी ‘बलशाली’ भाजप आवश्यक

क्रिकेटपटू रिंकू सिंहचं खासदार प्रिया सरोजशी लग्न ठरलं;…

अजित पवार स्वबळावर लढणार का ?

लाल किल्ला : दिल्ली निवडणुकीची सूत्रे भाजपच्या हाती?

अन्वयार्थ: आहे ‘डबल इंजिन’ तरीही…

लोकसभा निवडणुकीत जिल्हाधिकार्‍यांचा सावळा गोंधळ; निवडणूक आयोगाकडून दखल; जिल्हाधिकार्‍यांची सुनावणी

Delhi Elections 2025 : भाजपाला २६ वर्षांचा दुष्काळ संपवण्याची तर काँग्रेसला चमत्काराची आशा; दिल्लीच्या निवडणुकीत ‘आप’समोर सत्तेत आल्यापासून सर्वात मोठे आव्हान

Delhi Elections 2025 : भाजपाला दिल्ली दूरच… ‘आप’ने दशकभर वर्चस्व कसं राखलं?