अमेरिकेत शीख तरुणाला बेदम मारहाण

कॅलिफोर्नियातील आयटी तज्ज्ञ मानसिंह खालसा हे २५ सप्टेंबररोजी स्वतःच्या गाडीने घरी परतत होते. त्याच वेळी एका टोळक्याने त्यांच्या वाहनावर दारुची बॉटल फेकली. मात्र तरीदेखील खालसा तिथून निघून गेले. यानंतर त्या टोळक्याने खालसा यांचा पाठलाग केला. त्यांनी गाडी चालवणा-या खालसा यांच्यावर तीक्ष्ण हत्यारांनी वार केले आणि धक्का देऊन त्यांची पगडी पाडली.  खालसा यांनी दिलेल्या माहितीनुसार हल्लेखोर हे २० ते ३० वर्ष वयोगटातील होते. यातील तिघांनी खालसा यांना मारहाण केली. हल्लेखोरांनी धावत्या गाडीतच खालसा यांचे डोक बाहेर खेचले आणि हातात आलेले केस चाकूने कापून टाकले. अमेरिकेतील वंशभेदाच्या या घटनेचा सर्वत्र निषेध होत आहे. या हल्ल्यात खालसा यांच्या हाताला आणि चेह-याला गंभीर दुखापत झाली आहे.

आणखी वाचा

Satish Wagh Murder: सतीश वाघ खून प्रकरणातील आरोपींना २० डिसेंबरपर्यंत पोलीस कोठडी

Chastity Belt: योनी शुचिता पट्ट्याचा इतिहास आणि त्यामागील…

येरवड्यातील खुल्या कारागृहातून जन्मठेपेची शिक्षा सुनावलेला कैदी पसार

अन्वयार्थ : ‘सांविधानिक भावना दुखावण्या’पल्याड…

अग्रलेख : वंग(मैत्री)भंगाचे वास्तव…

यवतमाळ: संतापजनक! तीन वर्षीय चिमुकलीवर लैंगिक अत्याचार

मीरा रोड दंगल प्रकरण : १४ मुस्लिम तरुणांना उच्च न्यायालयाकडून जामीन

पिंपरी : अल्पवयीन मुलीवरील अत्याचार प्रकरणातील आरोपीला सक्तमजुरी

अमेरिकेतील  शीख समाजाची सर्वात मोठी संघटना असलेल्या द शीख कोएलिशनच्या पदाधिका-यांनी रिचमंड पोलिसांना पत्र दिले आहे. यात त्यांनी खालसा यांच्यावर हल्ला करणा-या तरुणांना अटक करुन त्यांच्यावर तात्काळ खटला दाखल करावा अशी मागणी केली आहे. अमेरिकेत शीख नागरिकांवर हल्ला होण्याच्या घटना वारंवार घडत असतात. द शीख कोएलिशनच्या माहितीनुसार गेल्या पंधरा वर्षात १०० हून अधिक शीख नागरिकांवर वंशभेदातून जीवघेणा हल्ला करण्यात आल्याच्या घटना घडल्या आहेत.