|
|
‘कॅट’ प्रारंभीच आडवे!
पुणे, २८ नोव्हेंबर/विशेष प्रतिनिधी
 ‘इंडियन इन्स्टिटय़ूट ऑफ मॅनेजमेंट’ या विश्वविख्यात संस्थेसह देशभरातील सुमारे सव्वाशे व्यवस्थापन संस्थांमधील प्रवेशाकरिता संगणकाद्वारे प्रथमच आयोजित करण्यात आलेल्या सामायिक प्रवेश परीक्षेच्या (कॅट) पहिल्याच दिवशी सव्र्हर विलंबाचे मांजर आडवे गेले! मुंबईतील सरस्वती कॉलेज व पुणे अभियांत्रिकी महाविद्यालयासह देशभरातील पाच शहरांमध्ये तांत्रिक व्यत्यय आल्याने विद्यार्थ्यांसह संयोजकांची खरोखरीच ‘परीक्षा’ पाहिली गेली.
तांत्रिक विलंबाचा एकाही विद्यार्थ्यांला फटका बसू दिला जाणार नसून आजच्या पहिल्या सत्रात समस्या उद्भवलेल्या सर्व विद्यार्थ्यांना पुन्हा परीक्षा देण्याची संधी उपलब्ध करून दिली जाईल, असे स्पष्ट करण्यात आले.
आतापर्यंत एकाच दिवशी देशभरातील सर्व विद्यार्थ्यांसाठी ‘कॅट’चे लेखी परीक्षेच्या स्वरूपात आयोजन केले जात होते. यंदा प्रथमच संगणकाधारित पद्धतीने ‘कॅट’ घेण्यात येत असून, त्यासाठी ३२ शहरांमधील १०५ केंद्रे सज्ज ठेवण्यात आली आहेत. संगणकाधारित स्थानिक नेटवर्कच्या माध्यमातून (लॅन) २७ नोव्हेंबर ते ७ डिसेंबर या मुदतीत कधीही परीक्षा देण्याची सुविधा विद्यार्थ्यांना उपलब्ध करून देण्यात आली आहे.
आज सकाळी प्रथमच ‘ऑनलाईन कॅट’साठी विद्यार्थ्यांसह संयोजकही सज्ज झाले होते; परंतु पहिल्याच सत्रामध्ये मुंबई, पुणे, चेन्नई, बंगलोर, कोलकाता, भोपाळ आदी ठिकाणी ‘सव्र्हर हँग’ होण्याचे प्रकार घडले. संगणकावर प्रश्नपत्रिका सोडविण्यास गेलेल्या विद्यार्थ्यांचा संबंधित संकेतस्थळाच्या माध्यमातून संपर्कच प्रस्थापित केला जात नव्हता. या परीक्षेसाठी उपलब्ध करून देण्यात आलेल्या सव्र्हरच्या कार्यप्रणालीमधील दोषामुळे हा विलंब होत असल्याचे स्पष्ट करण्यात आले.
|
|
लोकरंग
साहित्यव्यवहाराचा बोन्साय होतो आहे!
साहित्य व्यवहार समीक्षा प्रकाशन संमेलने महामंडळ
अरुण जाखडे , रविवार, २९ ऑगस्ट २०१०
 साहित्य संमेलनाच्या निमित्ताने अनेक चर्चा, वाद, आरोप, प्रत्यारोप सतत होत आलेले आहेत. ज्यांचा साहित्याशी काही संबंध नाही असेही लोक उत्सुकतेपोटी, कधी भाबडेपणाने, कधी उपहासाने, तर कधी पोटतिडिकीने बोलताना आपण पाहतो. माध्यमातून मिळणारी प्रसिद्धी, समाजाचा, शासनाचा व शासनमान्य संस्थांचा पैसा संमेलनाला मिळत असल्यामुळे त्यांनी असे काही बोलण्यात चूक नाही. गेल्या शंभर वर्षांची परंपरा असलेल्या या साहित्य संमेलनाची कार्यपद्धती आज पुन्हा एकदा तपासून घेणे, त्याचे पुनर्मूल्यांकन करणे आणि हा सोहळा अधिक पारदर्शी होणे- यासाठी काही ठोस निर्णय घेण्याची वेळ आता आली आहे. |
दिनदर्शिका
दिनांक ३ सप्टेंबर २०१०. शुक्रवार, मिती श्रावण वद्य नवमी ९ क. ५१ मि.पर्यंत, मृग नक्षत्र १२ क. ३२ मि.पर्यंत, मिथुन चंद्र. सूर्योदय-६/२५, सूर्यास्त- ६/५१.
मेष - प्रिय आप्तांच्या भेटी होतील, वृषभ - अचानक उधारी वसूल होईल, मिथुन - प्रयत्नांती परमेश्वर, कर्क - धावपळ गर्दीचा दिवस, सिंह - पेचप्रसंग सुटतील, कन्या - नवीन प्रयोगात यश, तूळ - महत्त्वाची कामे होतील, वृश्चिक - चकमकी टाळा, धनू - शुभवार्ता समजतील, मकर - शुक्लकाष्टे मागे लागतील, कुंभ - महत्त्वाचा दस्तऐवज सापडेल, मीन - निर्धाराने पुढे चला.
शुभराशी : कन्या, तूळ, धनू.
|
