एका रात्रीत नांदगावातील चार मंदिरात चोऱ्या

चोरट्यांनी चार दानपेट्यातील रक्कम लांबवताना केवळ नोटाच चोरून नेल्या असून चिल्लर मात्र तशीच ठेवली आहे. यासोबतच नांदेश्वर मंदिरातील चांदीच्या वस्तूंनाही चोरट्यांनी हात लावला नाही. सकाळी पूजेसाठी गेलेल्या भाविकांच्या लक्षात हा प्रकार आल्याने त्यांनी ताबडतोब पोलीस ठाणे गाठले. देवराम गोविंद खैरनार यांनी याप्रकरणी पोलीस ठाण्यात तक्रार दाखल केली. दरम्यान, मनमाड येथील पोलीस उपविभागीय अधिकारी डॉ. राहुल खाडे, पोलीस निरीक्षक अरुण निकम आणि कर्मचाऱ्यांनी घटनास्थळाची पाहणी करुन प्रकरणाचा तपास सुरू केली आहे.