नितारामुळे अक्षय कुमारच्या चित्रपटाला झाला फायदा

झाले असे की, ‘एका रात्री अक्षय त्याच्या मुलीसोबत म्हणजेच नितारासोबत खेळत होता. त्यावेळी नितारा एक गाणे गुणगुणत होती. त्यानंतर अक्षयच्या डोक्यात लगेचच एक कल्पना आली की, त्याच्या आगामी चित्रपटातील एका गाण्यासाठी नितारा गात असलेल्या त्या चालीचा वापर करता येऊ शकतो’. अक्षयला ही कल्पना येताच त्याने चित्रपटाच्या निर्मात्यांसोबतच चर्चा केली आणि बऱ्याच चर्चांनंतर या चित्रपटातील गाण्याची चाल तयार झाली. काही दिवसांपूर्वीच मुंबईमध्ये या गाण्याचे चित्रिकरण पार पडले असून अभिनेत्री हुमा कुरेशी आणि खिलाडी कुमार यांच्यावर हे गाणे चित्रित करण्यात आले आहे, अशी माहिती सूत्रांनी दिली.

View this post on Instagram

A post shared by Akshay Kumar (@akshaykumar)

दरम्यान, सुभाष कपूर दिग्दर्शित हा चित्रपट १० फेब्रुवारी २०१७ला प्रेक्षकांच्या भेटीला येणार आहे. अक्षयचा हा आगामी चित्रपट २०१३ मध्ये प्रदर्शित झालेल्या ‘जॉली एलएलबी’ या चित्रपटाचा सिक्वल आहे. गेल्या बऱ्याच दिवसांपासून खिलाडी कुमार त्याच्या सोशल मीडिया अकाऊंटवरुन या चित्रपटाबाबतचे विविध फोटो आणि व्हिडिओ पोस्ट करत आहे. जॉली एलएलबी २- हा चित्रपट ‘जॉली एलएलबी’चा सिक्वल आहे. अक्षय कुमार, हुमा कुरेशी आणि अनू कपूर यात मुख्य भूमिका साकारतील. त्यामुळे येत्या काळात अक्षयचा हा चित्रपट प्रेक्षकांच्या मनावर छाप पाडण्यात यशस्वी होतो का…हे पाहणे औत्सुक्याचे ठरणार आहे.