आगामी साहित्य संमेलन पंजाबमधील घुमानमध्ये

आगामी ८८ वे अखिल भारतीय मराठी साहित्य संमेलन पंजाबमधील घुमानमध्ये होणार आहे. साहित्य महामंडळाच्या बैठकीमध्ये घुमानमध्ये संमेलन घेण्याचे निश्चित करण्यात आले. घुमान ही संत नामदेवांची कर्मभूमी म्हणून प्रसिद्ध आहे. फेब्रुवारीच्या पहिल्या किंवा दुसऱया आठवड्यात हे संमेलन होईल, असे महामंडळाच्या अध्यक्षा माधवी वैद्य यांनी पत्रकार परिषदेत सांगितले.
आगामी साहित्य संमेलनासाठी अखिल भारतीय मराठी साहित्य महामंडळाकडे सर्वाधिक दहा निमंत्रणे आली होती. त्यामध्ये बडोदा आणि पंजाबमधील घुमान यासह राज्यातील आठ ठिकाणांचा समावेश होता. त्यापैकी बडोदा, घुमान आणि उस्मानाबाद यांसह पाच ठिकाणांना साहित्य महामंडळाच्या स्थळ निवड समितीतील सदस्यांनी भेट देऊन पाहणी केली होती. स्थळ निवड समितीचा अहवाल प्राप्त झाल्यानंतर साहित्य महामंडळाच्या बैठकीत पुण्यामध्ये त्यावर चर्चा झाली आणि घुमान येथे संमेलन घेण्याचे निश्चित करण्यात आले.
केंद्रात नरेंद्र मोदी यांचे सरकार आल्यामुळे बडोदा शहराचे पारडे जड मानले जात होते. मात्र, बैठकीमध्ये घुमानवरच शिक्कामोर्तब करण्यात आले. घुमानमध्ये संमेलन भरविण्यासाठी निमंत्रक म्हणून भारत देसरडा आणि संयोजक म्हणून सरहद संस्थेचे संजय नहार यांच्याकडून निमंत्रण आले असल्याचे वैद्य यांनी स्पष्ट केले.

विश्व मराठी साहित्य संमेलन दक्षिण आफ्रिकेत
विश्व मराठी साहित्य संमेलन पुढील वर्षी मार्चमध्ये दक्षिण आफ्रिकेतील जोहान्सबर्ग येथे भरविण्यात येईल, अशीही माहिती माधवी वैद्य यांनी पत्रकार परिषदेत दिली.

आणखी वाचा

Maharashtra Vidhan Sabha Election 2024 : प्रचार थांबला; आता चेंडू मतदारांच्या कोर्टात, २० नोव्हेंबरची प्रतिक्षा

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

कलाकृतीत भारतीयत्व असेल तर ती दीर्घकाळ यशस्वी ठरते, दिग्दर्शक सुभाष घई यांनी उलगडले त्यांच्या यशामागचे इंगित

Maharashtra Vidhan Sabha Election 2024: “भाजपमध्ये फिफ्टी-फिफ्टी मतभेद, फडणवीस एक सांगतात तर…”, सुप्रिया सुळेंची खोचक टिप्पणी!

संविधानभान : भारताचे बहुभाषिक कवित्व

उमरेडमध्ये बौद्ध विरुद्ध हिंदू दलित मतांचे ध्रुवीकरण कोणाच्या पथ्यावर ?

महाराष्ट्र विधानसभेचे निकाल काय लागणार? रुचिर शर्मा यांचं मोठं विधान; म्हणाले, “भारतातला इतिहास पाहता…”

त्यागी लोकप्रतिनिधी आणि पदनिष्ठ राजकारणी