कर्नाटक निवडणूक
कर्नाटक विधानसभेची निवडणूक १० मे रोजी होत आहे. कर्नाटक विधानसभेची एकूण सदस्यसंख्या २२४ आहे. त्यासाठी होणाऱ्या मतदान प्रक्रियेमध्ये एकूण ५ कोटी १ लाख मतदार सहभागी होतील, अशी माहिती निवडणूक आयोगाकडून देण्यात आली आहे. विशेष म्हणजे या मतदान प्रक्रियेमध्ये सहभागी होणाऱ्या ८०हून जास्त वयाच्या मतदारांची संख्या तब्बल १२.१५ लाख इतकी आहे. या निवडणुकीत ९ लाख १७ हजार नवमतदार मतदान करणार आहेत. एकूण मतदान केंद्रांची संख्या ५८ हजार २८२ तर प्रत्येक मतदान केंद्रावर सरासरी ८८३ मतदार मतदान करतील. १३२० मतदान केंद्र पूर्णपणे महिलांकडून सांभाळली जाणार आहेत, अशी माहितीही निवडणूक आयोगाने दिली. कर्नाटकमध्ये १० मे रोजी मतदान होणार असून मतमोजणी आणि निकाल १३ मे रोजी लागणार आहे.
कर्नाटकमध्ये २०१८ साली झालेल्या २२२ विधानसभा मतदारसंघाच्या निवडणुकीत भाजपाने १०४ जागा मिळवत कर्नाटकमध्ये सर्वात मोठा पक्ष ठरला होता. तरी बहुमतापासून त्यांना दूर राहावे लागले. काँग्रेसने ७८ तर जेडीएसने ३७ जागा मिळवल्या होत्या. तर बहुजन समाज पक्ष १, कर्नाटक प्रज्ञावंत जनता पार्टी १ आणि अपक्ष १ असे इतर उमेदवार निवडून आले होते. बहुमताचा आकडा ११२ असल्यामुळे २०१८ साली विधानसभा त्रिशंकू झाली होती.
येडियुरप्पा यांनी सर्वात मोठा पक्ष असल्याचा दावा करत मुख्यमंत्रीपदाची शपथ घेतली होती. मात्र बहुमताचा आकडा गाठता न आल्यामुळे त्यांचे सरकार गडगडले. त्यानंतर काँग्रेस आणि धर्मनिरपेक्ष जनता दलाचे (JDS) संयुक्त सरकार सत्तेत आले. पण काँग्रेस व जनता दलाचे आमदार २०१९ साली फुटल्याने एचडी कुमारस्वामी यांच्या नेतृत्वाखालील सरकार १४ महिन्यांतच कोसळले. त्यानंतर पुन्हा येडियुरप्पा यांच्या नेतृत्वाखाली सरकार स्थापन झाले. जुलै २०२१ मध्ये येडियुरप्पा यांना मुख्यमंत्रीपदावरून हटवून भाजपने मूळ जनता दलातून आलेल्या बसवराज बोम्मई यांच्याकडे मुख्यमंत्रीपदाची जबाबदारी सोपविली.
कर्नाटक विधानसभेच्या मागच्या काही निवडणुकांचा कल पाहिला तर कोणत्याही पक्षाला आपल्या सलग दोन निवडणुकीत बहुमत मिळवता आलेले नाही. २००८ साली भाजपाने ११० जागा जिंकून सरकार स्थापन केले होते. तर २०१३ साली काँग्रेसने १२२ जागा जिंकून सरकार स्थापन केले. त्यानंतर पुन्हा २०१८ साली सुरुवातीला भाजपा, त्यानंतर काँग्रेस-जेडीएस आणि त्यानंतर दीड वर्षातच पुन्हा भाजपाचे सरकार स्थापन झाले होते. त्यामुळे यंदा २०२३ साली कुणाचे सरकार स्थापन होणार, हे पाहण्यासाठी १३ मे ची वाट पाहावी लागेल.Read More
कर्नाटकमध्ये २०१८ साली झालेल्या २२२ विधानसभा मतदारसंघाच्या निवडणुकीत भाजपाने १०४ जागा मिळवत कर्नाटकमध्ये सर्वात मोठा पक्ष ठरला होता. तरी बहुमतापासून त्यांना दूर राहावे लागले. काँग्रेसने ७८ तर जेडीएसने ३७ जागा मिळवल्या होत्या. तर बहुजन समाज पक्ष १, कर्नाटक प्रज्ञावंत जनता पार्टी १ आणि अपक्ष १ असे इतर उमेदवार निवडून आले होते. बहुमताचा आकडा ११२ असल्यामुळे २०१८ साली विधानसभा त्रिशंकू झाली होती.
येडियुरप्पा यांनी सर्वात मोठा पक्ष असल्याचा दावा करत मुख्यमंत्रीपदाची शपथ घेतली होती. मात्र बहुमताचा आकडा गाठता न आल्यामुळे त्यांचे सरकार गडगडले. त्यानंतर काँग्रेस आणि धर्मनिरपेक्ष जनता दलाचे (JDS) संयुक्त सरकार सत्तेत आले. पण काँग्रेस व जनता दलाचे आमदार २०१९ साली फुटल्याने एचडी कुमारस्वामी यांच्या नेतृत्वाखालील सरकार १४ महिन्यांतच कोसळले. त्यानंतर पुन्हा येडियुरप्पा यांच्या नेतृत्वाखाली सरकार स्थापन झाले. जुलै २०२१ मध्ये येडियुरप्पा यांना मुख्यमंत्रीपदावरून हटवून भाजपने मूळ जनता दलातून आलेल्या बसवराज बोम्मई यांच्याकडे मुख्यमंत्रीपदाची जबाबदारी सोपविली.
कर्नाटक विधानसभेच्या मागच्या काही निवडणुकांचा कल पाहिला तर कोणत्याही पक्षाला आपल्या सलग दोन निवडणुकीत बहुमत मिळवता आलेले नाही. २००८ साली भाजपाने ११० जागा जिंकून सरकार स्थापन केले होते. तर २०१३ साली काँग्रेसने १२२ जागा जिंकून सरकार स्थापन केले. त्यानंतर पुन्हा २०१८ साली सुरुवातीला भाजपा, त्यानंतर काँग्रेस-जेडीएस आणि त्यानंतर दीड वर्षातच पुन्हा भाजपाचे सरकार स्थापन झाले होते. त्यामुळे यंदा २०२३ साली कुणाचे सरकार स्थापन होणार, हे पाहण्यासाठी १३ मे ची वाट पाहावी लागेल.Read More
संबंधित बातम्या
Maharashtra Vidhan Sabha Election 2024 Voting Live : “मस्ती आली का तुला…”, अंबादास दानवेंकडून शिंदे गटाच्या संजय शिरसाट यांचा शिविगाळ करतानाचा व्हिडीओ जाहीर
Mahim Constituency : सरवणकरांच्या खिशावरील धनुष्यबाण चिन्ह पाहताच अमित ठाकरेंनी केलेली कृती चर्चेत; सिद्धिविनायक मंदिरात आले आमने-सामने!
सोनाक्षी सिन्हा तुमच्यासारखी दिसते; असं विचारल्यावर शत्रुघ्न सिन्हांची एक्स गर्लफ्रेंड रीना रॉय म्हणाल्या होत्या…
Maharashtra Assembly Election Voting Time : राज्यात किती वाजेपर्यंत करता येणार मतदान? वेळ निघून जाण्याआधी लगेच मतदान केंद्रावर जा!
मुलगा म्हणून अपयशी ठरला! रेल्वेत प्रवास करताना मुलाने आईबरोबर जे केलं ते पाहून व्हाल नि:शब्द, पाहा VIDEO
