मिझोराम निवडणूक २०२३ Videos

काही दिवसांपूर्वी निवडणुक आयोगाने पाच राज्यांमध्ये निवडणुका होणार असल्याचे जाहीर केले. यामध्ये ईशान्येकडील मिझोराम (Mizoram Election 2023) या राज्याचाही समावेश आहे. २०१८ मध्ये निवडलेल्या विधानसभेतील उमेदवारांची मुदत १७ डिसेंबर रोजी पूर्ण होत आहे. याच पार्श्वभूमीवर तेथे निवडणुका आयोजित करण्यात आल्या आहेत. तेथे ४० विधानसभेच्या जागांसाठी ७ नोव्हेंबर रोजी मतदान होणार आहे. तसेच मतदानाचा निकाल ३ डिसेंबर रोजी जाहीर केला जाईल. या राज्याच्या लोकसंख्येतील ८.५ लाख लोकांकडे मतदान करण्याचा अधिकार आहे. मिझोराम विधानसभेच्या (Mizoram Assembly Election 2023) ४० जागांपैकी ३९ जागा या अनुसूचित जमाती प्रवर्गातील उमेदवारांसाठी राखीव ठेवण्यात आल्या आहेत.