तेलंगणा निवडणूक २०२३

३० नोव्हेंबर रोजी तेलंगणामध्ये ११९ मतदार संघांसाठी मतदान (Telangana Election 2023) होणार आहे. यातील १९ जागा या अनुसूचित जातीच्या उमेदवारांसाठी आणि १२ जागा अनुसूचित जमातीच्या उमेदवारांसाठी राखीव ठेवण्यात आल्या आहेत. नोव्हेंबर २०२३ च्या शेवटी मतदान झाल्यानंतर मतमोजणी पूर्ण होऊन निकाल ३ डिसेंबर २०२३ रोजी जाहीर केला जाईल. सध्या तेलंगणामध्ये मतदान करण्याची पात्रता असलेले ३ कोटी नागरिक आहेत. २०१८ मध्ये झालेल्या विधानसभा निवडणुकांमध्ये निवडून आलेल्या उमेदवारांचा कार्यकाळ ६ जानेवारी २०२४ रोजी पूर्ण होत आहे. तेव्हा या राज्यामध्ये विधानसभेच्या ११९ जागांसाठी निवडणुका घेण्याचा निर्णय निवडणुक आयोगाने घेतला आहे.