वर्षा गायकवाड

काँग्रेसच्या वर्षा एकनाथ गायकवाड या उत्तर मध्य मुंबई लोकसभा मतदारसंघाच्या खासदार आहेत. वर्षा गायकवाड यांनी भाजप उमेदवार व प्रख्यात कायदेपंडित उज्ज्वल निकम यांचा लोकसभा निवडणुकीत पराभव केला. धारावी विधानसभा मतदारसंघातून २००४, २००९, २०१४ व २०१९ मध्ये सलग चार वेळा वर्षा गायकवाड निवडून आल्या. त्यांनी मुंबई काँग्रेसचे अध्यक्षपद देखील भुषविले आहे. तसेच शालेय शिक्षण मंत्री व महिला आणि बालविकास मंत्री अशी महत्वाची पदं वर्षा गायकवाड यांनी भुषविली आहेत. काँग्रेसचे माजी खासदार एकनाथराव गायकवाड यांच्या त्या कन्या आहेत. २०२४ च्या लोकसभा निवडणुकीत वर्षा गायकवाड या काँग्रेसचा बालेकिल्ला राहिलेल्या आणि जिथे त्यांची ताकद आहे, त्या दक्षिण मध्य मुंबई लोकसभा मतदारसंघातून उमेदवारीसाठी इच्छुक होत्या. मात्र, ती जागा महाविकास आघाडीत उद्धव ठाकरेंच्या शिवसेनेला मिळाली.