‘अर्निबध अधिकारस्वातंत्र्य आणि निर्णयहीनता यात संतुलन आवश्यक’

व्याजदर कपात टाळणाऱ्या बँकांवर टीका
मुंबई : देशातील वाणिज्य बँकांनी ‘आळशी’ संस्कृती अनुसरताना, कर्ज देण्याच्या त्यांच्या मुख्य भूमिकेचे ‘थट्टा’ सुरू ठेवली आहे, अशी टीका राजन यांनी व्याजदरात कपातीबाबत टाळाटाळ करणाऱ्या बँकांच्या वृत्तीवर टीका करताना केली. मध्यवर्ती बँकेकडून कपात केल्या गेलेल्या दराने वाणिज्य बँका निधीची उचल करतात, पण आपल्या कर्जदाराला कैक अधिक दराने त्याचे वितरण करतात. ही सर्वथा चुकीची पद्धत असून,
जानेवारीमध्ये रिझव्‍‌र्ह बँकेने रेपो दर (म्हणजे ज्या दराने बँका अल्पमुदतीसाठी निधी रिझव्‍‌र्ह बँकेकडून मिळविता तो व्याज दर) पाव टक्क्यांनी कमी करूनही, देशातील ४५ वाणिज्य बँकांपैकी फक्त तीन बँकांनी त्यांच्या कर्ज योजनांवरील व्याजाचे दर कमी केले आहेत. देशाची अर्थव्यवस्था मंदीतून हळूहळू सावरत असताना, रिझव्‍‌र्ह बँकेकडून बँकांना प्रदान करण्यात अल्पदरातील निधीचा समयोचित लाभ त्या आपल्या सामान्य तसेच कॉर्पोरेट ग्राहकांपर्यंत पोहोचवत नाहीत, याबद्दल राजन यांनी रोष व्यक्त केला. रिझव्‍‌र्ह बँकेच्या पतधोरणाच्या परिणामकारकतेला कमी करणारी ही पद्धत असल्याचे त्यांनी सांगितले.