लक्षणीय टप्प्यावरील तेजी आठवडय़ाच्या सलग दुसऱ्या दिवशीही कायम राखताना प्रमुख निर्देशांक मंगळवारी त्याच्या आठवडय़ाच्या उच्चांकावर पोहोचले. रिलायन्सच्या जोडीने कोल इंडिया, हीरो मोटोकॉर्प, आयटीसीसारख्या समभागांमध्ये गुंतवणूकदारांनी खरेदीत रस दाखविल्याने सेन्सेक्स २०,१५० तर निफ्टी ६,१००च्या वर गेले.
मुंबई शेअर बाजाराचा सेन्सेक्स १३०.०५ अंश वाढीसह २०,१६०.८२ वर बंद झाला. तर राष्ट्रीय शेअर बाजाराचा निफ्टी २८.१० अंश वधारणेमुळे ६,१११.२५ पर्यंत गेला. अध्र्या टक्क्यांहून अधिकच्या निर्देशांक वाढीने दोन्ही बाजार आठवडय़ाच्या उच्चांकावर पोहोचला आहे.
सेन्सेक्सने नव्या आठवडय़ाची सुरुवात करताना सोमवारी थेट ३२६ अंशांची झेप घेतली होती. तत्पूर्वी शुक्रवारी बाजाराने किरकोळ वाढ नोंदविली होती. मात्र २० हजारांचा टप्पा त्याला सोमवारीच गाठता आला. परंतु दोन्ही दिवसांतील वाढीने बाजारात ३५६ अंश भर पडली.
नवा वायुसाठा सापडल्यामुळे रिलायन्सचा समभाग कालच्या ५ टक्के वाढीनंतर मंगळवारी पुन्हा २ टक्क्यांनी वधारला. तर घसघशीत फायद्याच्या (+३५%) तिमाही नफ्याच्या निष्कर्षांने सार्वजनिक कोल इंडियाचा समभागही ३ टक्क्यांनी उंचावला. महिन्यातील वाहनविक्रीचे आकडे प्रतीक्षेत असतानाच सत्रात हीरो मोटोकॉर्पच्या समभागाची हालचाल लक्षणीय ठरली. कंपनीचे समभाग मूल्य थेट ५ टक्क्यांनी वाढले. त्याचबरोबर आयटीसी, आयसीआयसीआय बँक, ओएनजीसी आणि टीसीएसचे समभागही एक ते दोन टक्क्यांनी वाढले. तर विद्युत उपकरणनिर्मिती क्षेत्रातील हॅवेल्सचा समभाग वर्षांच्या उच्चांकावर पोहोचला. कालच्या सत्रात वधारलेला सन फार्मा आज घसरला. तर सोने तारणाशी संबंधित मुत्थूत व मण्णपुरमचे समभाग मूल्य खालावले. सोबत स्टेट बँक, एचडीएफसी बँकही घसरले. क्षेत्रीय निर्देशांकांमध्ये तेल व वायू, वाहन, सार्वजनिक कंपनी निर्देशांक तेजीत होते.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

बाजाराला ऊर्जा!
ओनजीसीचा महाराष्ट्रात वायू प्रक्रिया प्रकल्प
ल्ल सार्वजनिक तेल व वायू कंपनी ओएनजीसी महाराष्ट्रात वायू प्रक्रिया प्रकल्प साकारण्याच्या तयारीत आहे. ३० मेगाव्ॉट कॅप्टिव्ह वीजनिर्मितीचा आणि १० एमएमएससीएमडी निर्मिती क्षमतेच्या या प्रकल्पासाठी १० हजार कोटी रुपयांची गुंतवणूक करण्यात येणार आहे. पश्चिम समुद्र किनाऱ्यावर केळवे-माहीम परिसरात हा प्रकल्प पर्यावरणपूरक सर्व चाचण्यांनंतर अस्तित्वात येणार आहे. कंपनीचा राज्यात रायगडमधील उरण तसेच गुजरातमधील हजिरा येथेही वायू प्रक्रिया प्रकल्प आहे.
एस अ‍ॅण्ड पी बीएसई-तेल व वायू निर्देशांक       २०,१६०        (+१.६५%)

‘एनएचपीसी’ भागविक्री प्रक्रिया लवकरच
 सार्वजनिक क्षेत्रातील एनएचपीसीमधील सरकारची गुंतवणूक कमी करण्याची प्रक्रिया सुरू झाली असून, या माध्यमातून ११.३६ टक्के हिस्सा अर्थात १२० कोटी समभागांच्या विक्रीतून २४०० कोटी रुपये उभे राहतील. या प्रक्रियेसाठी आर्थिक सल्लागार बँक व कंपन्या यांची नियुक्तीही लवकरच केली जाणार आहे. कंपनीत सरकारचा सध्या ८६.३६ टक्के हिस्सा आहे. या माध्यमातून यापूर्वी ऑइल इंडिया, एनटीपीसी, एनएमडीसी आणि हिंदुस्थान कॉपर यांच्यातील र्निगुतवणूक करण्यात आली होती. तर चालू आर्थिक वर्षांसाठी ४०,००० कोटी रुपयांचे निर्गुतवणूक उद्दिष्ट सरकारने निश्चित केले आहे.
एस अ‍ॅण्ड पी बीएसई-ऊर्जा निर्देशांक    
१७९०.२४     (+१.१२%)    

कोल इंडिया झेपावला
 कमी खर्चामुळे गेल्या तिमाहीत नफ्यातील भरीव वाढ नोंदविणाऱ्या कोल इंडिया या देशातील सर्वात मोठय़ा कोळसा उत्पादक सार्वजनिक कंपनीने कोळशाच्या किमती १० टक्क्यांनी वाढविण्याचे संकेत दिले आहेत. याचबरोबर उच्च प्रतीच्या कोळशाचे दर आजपासूनच १२ टक्क्यांनी कमी करण्याचेही कंपनीने जाहीर केले आहेत. दर फेरफारामुळे कंपनीला अतिरिक्त वार्षिक महसूल २५११.५८ कोटी रुपये मिळेल, असा विश्वास व्यक्त करण्यात आला आहे. कंपनीने जानेवारी ते मार्च २०१३ दरम्यान कमाविलेल्या ३५ टक्के अधिक नफ्याचा परिणाम मंगळवारी भांडवली बाजारात समभागाच्या ३ टक्के मजल मारण्यात परावर्तीत झाला. सेन्सेक्सच्या दफ्तरी दिवसभरात ५ टक्क्यांपर्यंत झेपावणारा कोल इंडियाचा समभाग दिवसअखेर ३२२.९५ रुपयांवर स्थिरावला.

वधारलेले समभाग   (ए ग्रुप)
फायनान्शियल टेक्नॉलॉजी    :    +६.२४%    
गुजरात मिनरल डेव्ह.    :        +५.८८%
घसरलेले समभाग   (ए ग्रुप)
युनायटेड स्पिरिट्स लि.     :     -२.६९%
वॉखार्ट लि.     :                 -२.४३%