सलग पाच दिवसांच्या विश्रांतीने सुरू होणारा भांडवली बाजार मंगळवारी एकदम दोन महिन्यांच्या नीचांकाला येऊन ठेपला. सप्ताहाअखेरपासून सुरू होणाऱ्या कंपन्यांच्या दुसऱ्या तिमाही वित्तीय निष्कर्षांच्या हंगामामुळे गुंतवणूकदारांमध्ये धास्ती निर्माण झाली. परिणामी, सेन्सेक्स एकाच व्यवहारात जवळपास ३०० अंशांनी आपटत २६,३००च्याही आत विसावत गेल्या दोन महिन्यांच्या तळाला आला. दिवसअखेर २९६.०२ अंश घसरणीसह मुंबई निर्देशांक २६,२७१.९७ पर्यंत थांबला. तर राष्ट्रीय शेअर बाजाराच्या निफ्टीमध्ये ९३.१५ अंश घसरण होत निर्देशांक ७,८५२.४० वर बंद झाला.
सार्वजनिक व शनिवार, रविवारची सुटी यामुळे २ ऑक्टोबरपासून प्रमुख भांडवली बाजारात व्यवहार बंदच होते. मात्र नव्या सप्ताहाची सुरुवात करतानाच सेन्सेक्सने सकाळच्या सत्रात १३७ अंशांची घसरण राखली. बाजार या वेळी २६,५००च्याही खाली आला. व्यवहारात त्याचा किमान स्तर २६,२५०.२४ राहिला. १० ऑक्टोबरपासून इन्फोसिसच्या रूपाने सुरू होणाऱ्या दुसऱ्या तिमाहीच्या वित्तीय निष्कर्षांतील संभाव्य तुटीच्या आकडय़ाबाबत चिंता व्यक्त करत बाजाराने मंगळवारचा प्रवास नोंदविला. त्यातच मिड व स्मॉल कॅप मात्र पुन्हा घसरणीला येऊ लागले आहेत.
सेन्सेक्समधील हिंदाल्को, सिप्ला, डॉ. रेड्डीज् लॅब, एचडीएफसी, एनटीपीसी, गेल हे ४.३५ टक्क्यांपर्यंतच्या घसरणीसह आघाडीवर राहिले. क्षेत्रीय निर्देशांकांमध्ये २.६५ टक्के नकारात्मक वाटचाल नोंदविणाऱ्या पोलाद निर्देशांकाचा क्रम अग्रभागी होता. पाच दिवसांच्या सुटीपूर्वी, १ ऑक्टोबरला सेन्सेक्सने ६२.५२ अंश घसरण नोंदविली होती. तर विदेशी गुंतवणूकदारांनी ६३.२४ कोटी रुपयांचे समभाग या दिवशी विकले होते. आता मंगळवारच्या घसरणीमुळे सेन्सेक्सने १४ ऑगस्टचा स्तर राखला आहे.
युरो झोनमधील जर्मनीने ऑगस्टमध्ये मोठी औद्योगिक उत्पादन घसरण नोंदविल्यानंतर या भागातील जर्मनीसह फ्रान्स, ब्रिटनमधील प्रमुख निर्देशांक १.०९ टक्क्यांपर्यंत घसरले. तर आशियाईतील जपान, सिंगापूर, तैवान येथील बाजारांमध्ये घसरणीचे वातावरण होते.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

घसरणीची काही कारणे
१ विदेशी संस्था गुंतवणूकदारांची नफेखोरी: गेल्या सलग पाच व्यवहारांमध्ये ते समभागांची विक्री करत आहेत. या कालावधीत त्यांनी २,५८३.९५ कोटी रुपयांची विक्री केली आहे. या गुंतवणूकदारांनी सेन्सेक्सला जानेवारी २०१४ पासून २५ टक्क्यांहून अधिक झेप घेण्यास भाग पाडले आहे.
२ दुसऱ्या तिमाही निकालांबाबत भीती: चालू आर्थिक वर्षांतील दुसऱ्या तिमाहीतील वित्तीय निष्कर्षांच्या यंदाच्या हंगामाची सुरुवात येत्या शुक्रवारपासून सुरू होत आहे. इन्फोसिसच्या माध्यमातून यंदाचे निकाल जाहीर होत असताना गेल्या तिमाहीतील वित्तीय प्रवासाबाबत गुंतवणूकदारांमध्ये चिंतेचे वातावरण आहे.
३ युरोप, चीनमधील मंदीची धास्ती: सप्टेंबरमध्ये आशिया, युरोपमधील अनेक देशांनी उद्योग मंदी नोंदविली आहे. यामध्ये चीन, ब्रिटन, जर्मनी, फ्रान्स या देशांचा समावेश आहे. जर्मनीने साडेपाच वर्षांतील सुमार औद्योगिक उत्पादन नोंदविल्याने पुन्हा अर्थसंकटाचे ढग गहिरे होतात काय, अशी भीती गुंतवणूकदारांमध्ये आहे.
४ सावरणारी अमेरिका: अमेरिकी अर्थव्यवस्था सावरत असताना त्यांचे डॉलर हे चलनही भक्कम होऊ पाहत आहे. येत्या वर्षांपासून तिची मध्यवर्ती बँक व्याजदर वाढविण्याच्या तयारीत आहे. असे झाल्यास २००६ नंतर प्रथमच व्याजदर वाढणार आहेत. ही चिंताही येथील गुंतवणूकदारांना मंगळवारी स्पर्शून गेली.

रुपया १८ पैशांनी बळावला !
मुंबई : गेल्या आठवडय़ात डॉलरच्या तुलनेत ६२च्या नजीक असणाऱ्या रुपयाने नव्या सप्ताहाचा प्रारंभ करताना एकदम १८ पैशांची झेप घेतली. गेल्या आठवडय़ात सलग दोन दिवसांच्या घसरणीमुळे स्थानिक चलन बुधवारी ६१.६१ तर मंगळवारी ६२ नजीक, ६१.७२पर्यंत घसरला होता. मंगळवारचा त्याचा प्रवास ६१.४१ अशा वधारत्या दिशेने सुरू होत व्यवहारात ६१.३० पर्यंत उंचावला. अमेरिकी अर्थव्यवस्था स्थिरावण्याच्या हालचालीने गेल्या काही दिवसांमध्ये भक्कम होत जाणाऱ्या डॉलरने रुपयावर दबाव निर्माण केला होता.

सोने स्थिर
मुंबई: गेल्या वर्षीच्या दसऱ्याच्या तुलनेत यंदाही किमान स्तरावर राहिलेले मौल्यवान धातूंचे दर  सध्या स्थिरावू पाहत आहेत. गेल्या पाच व्यवहारानंतर सुरू झालेल्या मुंबईच्या सराफा बाजारात मंगळवारी सोन्याचे तोळ्याचे दर १ऑक्टोबरच्या तुलनेत ४५ रुपयांनी कमी झाले. १० ग्रॅमच्या सोन्याला २६,७४० रुपयांचा भाव मिळाला. चांदीतही ५० रुपयांची नरमाई येत किलोमागे ३९,३८० रुपयांवर भाव आला.

घसरणीची काही कारणे
१ विदेशी संस्था गुंतवणूकदारांची नफेखोरी: गेल्या सलग पाच व्यवहारांमध्ये ते समभागांची विक्री करत आहेत. या कालावधीत त्यांनी २,५८३.९५ कोटी रुपयांची विक्री केली आहे. या गुंतवणूकदारांनी सेन्सेक्सला जानेवारी २०१४ पासून २५ टक्क्यांहून अधिक झेप घेण्यास भाग पाडले आहे.
२ दुसऱ्या तिमाही निकालांबाबत भीती: चालू आर्थिक वर्षांतील दुसऱ्या तिमाहीतील वित्तीय निष्कर्षांच्या यंदाच्या हंगामाची सुरुवात येत्या शुक्रवारपासून सुरू होत आहे. इन्फोसिसच्या माध्यमातून यंदाचे निकाल जाहीर होत असताना गेल्या तिमाहीतील वित्तीय प्रवासाबाबत गुंतवणूकदारांमध्ये चिंतेचे वातावरण आहे.
३ युरोप, चीनमधील मंदीची धास्ती: सप्टेंबरमध्ये आशिया, युरोपमधील अनेक देशांनी उद्योग मंदी नोंदविली आहे. यामध्ये चीन, ब्रिटन, जर्मनी, फ्रान्स या देशांचा समावेश आहे. जर्मनीने साडेपाच वर्षांतील सुमार औद्योगिक उत्पादन नोंदविल्याने पुन्हा अर्थसंकटाचे ढग गहिरे होतात काय, अशी भीती गुंतवणूकदारांमध्ये आहे.
४ सावरणारी अमेरिका: अमेरिकी अर्थव्यवस्था सावरत असताना त्यांचे डॉलर हे चलनही भक्कम होऊ पाहत आहे. येत्या वर्षांपासून तिची मध्यवर्ती बँक व्याजदर वाढविण्याच्या तयारीत आहे. असे झाल्यास २००६ नंतर प्रथमच व्याजदर वाढणार आहेत. ही चिंताही येथील गुंतवणूकदारांना मंगळवारी स्पर्शून गेली.

रुपया १८ पैशांनी बळावला !
मुंबई : गेल्या आठवडय़ात डॉलरच्या तुलनेत ६२च्या नजीक असणाऱ्या रुपयाने नव्या सप्ताहाचा प्रारंभ करताना एकदम १८ पैशांची झेप घेतली. गेल्या आठवडय़ात सलग दोन दिवसांच्या घसरणीमुळे स्थानिक चलन बुधवारी ६१.६१ तर मंगळवारी ६२ नजीक, ६१.७२पर्यंत घसरला होता. मंगळवारचा त्याचा प्रवास ६१.४१ अशा वधारत्या दिशेने सुरू होत व्यवहारात ६१.३० पर्यंत उंचावला. अमेरिकी अर्थव्यवस्था स्थिरावण्याच्या हालचालीने गेल्या काही दिवसांमध्ये भक्कम होत जाणाऱ्या डॉलरने रुपयावर दबाव निर्माण केला होता.

सोने स्थिर
मुंबई: गेल्या वर्षीच्या दसऱ्याच्या तुलनेत यंदाही किमान स्तरावर राहिलेले मौल्यवान धातूंचे दर  सध्या स्थिरावू पाहत आहेत. गेल्या पाच व्यवहारानंतर सुरू झालेल्या मुंबईच्या सराफा बाजारात मंगळवारी सोन्याचे तोळ्याचे दर १ऑक्टोबरच्या तुलनेत ४५ रुपयांनी कमी झाले. १० ग्रॅमच्या सोन्याला २६,७४० रुपयांचा भाव मिळाला. चांदीतही ५० रुपयांची नरमाई येत किलोमागे ३९,३८० रुपयांवर भाव आला.