Budget 2020: विरोधानंतरही मुंबई-अहमदाबाद बुलेट ट्रेनवर केंद्र सरकार ठाम, बजेटमध्ये उल्लेख

निर्मला सीतारामन यांनी यावेळी तेजस एक्स्प्रेसरख्या ट्रेन्स पर्यटन स्थळांशी जोडणार असल्याची माहिती दिली. तसंच २०२३ पर्यंत मुंबई-दिल्ली एक्स्प्रेसवे सुरू करणार असल्याचंही सीतारामन यांनी जाहीर केले. देशात नवे १०० एअरपोर्ट उभारण्यात येणार आहे.

Finance Minister Nirmala Sitharaman: High-speed train between Mumbai and Ahmedabad will be actively pursued. #Budget2020 pic.twitter.com/ub4r4Ho2nw

— ANI (@ANI) February 1, 2020

उड्डान योजनेअंतर्गत नवीन १०० विमानतळं सुरू करणार असल्याचे सीतारामन यांनी सांगितले. सध्या देशात या योजनेअंतर्गत अनेक विमानतळे सुरू करण्यात आली आहेत. पण त्यांना फारसा प्रतिसाद दिसत नाही. पण, काही भागातील प्रवाशांना या योजनेमुळे प्रवासासाठी नवा पर्यांय उपलब्ध झाला आहे. त्यामुळे आणखी १०० विमानतळे सुरू करण्यात येणार आहेत.

आणखी वाचा – Budget 2020: पीपीपी तत्वावर देशात पाच नव्या स्मार्ट सिटी उभारणार

२००० किमीचा कोस्टल रोड बनवण्यात येणार असल्याची घोषणा अर्थमंत्री निर्मला सीतारामन यांनी केली आहे. या शिवाय़ २७ हजार किमी रेल्वे लाइनचे विद्युतीकरण करण्यात येणार असल्याचे त्यांनी अर्थसंकल्पाच्या भाषणावेळी स्पष्ट केले. हायवेचे होणार व्यवसायिकरण, त्यातून पैसा मिळवणार असल्याचे त्यांनी स्पष्ट केले आहे.