क्लाऊड कॉम्प्युटरिंगच्या अनेक सेवांचा लाभ आता छोटय़ा व मध्यम आकारमानाच्या व्यावसायिकांनाही मिळू शकणार आहे. अ‍ॅवनेट इंडस्ट्री समूह संचालित अ‍ॅवनेट टेक्नॉलॉजी सोल्यूशन्सने आपल्या अ‍ॅवनेट क्लाऊड सोल्यूशन्ससाठी आयबीएमच्या स्मार्ट क्लाऊड कॉम्प्युटरिंगची निवड करून हे साध्य केले आहे. आयबीएमच्या साथीने अ‍ॅवनेट सक्षम गणना व जास्त साठवणूक क्षमता असलेले उपयुक्त मॉडेल या व्यावसायिकांना देऊ शकणार आहे. याचा तपशील http://www.avnetcloudready.in या वेबस्थळावर उपलब्ध आहे. प्रामुख्याने रिटेल, वित्त वितरण आणि सार्वजनिक सेवा उपक्रमातील आणि सीमित आयटी संसाधने असलेल्या व्यावसायिकांना अ‍ॅवनेटच्या या पुढाकाराचा लाभ मिळेल.