मुंबई : विद्यमान २०२२ सालात मे महिन्यापर्यंत १६ कंपन्यांनी भांडवली बाजारातून प्रारंभिक समभाग विक्रीच्या (आयपीओ) माध्यमातून ४०,३११ कोटींचा विक्रमी निधी उभारला. गेल्या वर्षांत आयपीओच्या माध्यमातून विक्रमी निधी उभारणी करण्यात आली होती. तरी गेल्या वर्षी मे महिन्यापर्यंत १७,४९६ कोटींचा निधी उभारला गेला होता त्या तुलनेत यंदाच्या निधी उभारणीत ४३ टक्क्यांची वाढ झाली आहे. 

गुंतवणूकदारांसाठी निराशादायी ठरलेल्या बहुचर्चित भारतीय आयुर्विमा महामंडळाच्या (एलआयसी) आयपीओचा यंदाच्या मेपर्यंतच्या निधी उभारणीत निम्म्याहून अधिक वाटा राहिला आहे. एकटय़ा एलआयसीने भांडवली बाजारातून २०,५०० कोटींचा निधी उभारला आहे. चालू वर्षांत भांडवली बाजारात सूचिबद्ध झालेल्या ३१ कंपन्यांपैकी २१ कंपन्यांनी पदार्पणालाच गुंतवणूकदारांना चांगला परतावा मिळवून दिला. मात्र त्यापैकी १९ कंपन्यांचे समभाग सध्या गुंतवणूकदारांना प्रारंभिक समभाग विक्रीच्या वेळी दिलेल्या किमतीपेक्षा खालच्या किमतीवर व्यवहार करत आहेत.

आणखी वाचा
PNG Jewelers aims to expand to 120 stores in five years
पाच वर्षांत १२० दालनांपर्यंत विस्ताराचे ‘पीएनजी ज्वेलर्स’चे उद्दिष्ट; येत्या आठवड्यात ‘आयपीओ’द्वारे १,१०० कोटी उभारणार
8th September Rashi Bhavishya & Marathi Panchang
८ सप्टेंबर पंचाग: मेष, कुंभसह ‘या’ पाच राशींच नशीब बदलणार इंद्र योग; सुखाच्या सरी बरसणार तर कोणाचे कष्ट वाढणार; वाचा तुमचे भविष्य
houses sold mumbai, houses sold August mumbai,
मुंबई : ऑगस्टमध्ये ११ हजारांहून अधिक घरांची विक्री, मुद्रांक शुल्क दरात कपात होण्याच्या निर्णयाकडे लक्ष
Mumbai, Mutual Funds, Assets Under Management, Passive Funds, Active Funds, Motilal Oswal, Equity Schemes, Debt Schemes, Hybrid Funds, Investment Flows,
म्युच्युअल फंड मालमत्तेत दशकभरात सात पटींनी वाढ, ‘पॅसिव्ह’ फंडात गुंतवणूक वाढल्याचा अहवालाचा निष्कर्ष
IPO of Forcas Studio Limited from August 19
फोर्कास स्टुडिओ लिमिटेडचा १९ ऑगस्टपासून ‘आयपीओ’
Goods exports down 1 2 percent in July
वस्तू निर्यातीत जुलैमध्ये १.२ टक्क्यांची घट; व्यापार तुटीत २३.५ अब्ज डॉलरपर्यंत विस्तार
3 lakh 41 thousand 510 sales of passenger vehicles in the country in the month of July
प्रवासी वाहनांच्या विक्रीत घट; देशात जुलै महिन्यात ३ लाख ४१ हजार ५१० विक्री
Inflation hits five year low 3.54 percent in July Food prices fall by half
महागाई दराचा पंचवार्षिक नीचांक, जुलैमध्ये ३.५४ टक्के; खाद्यान्नांच्या किमतीत निम्म्याने घसरण

भांडवली बाजार नियंत्रक सेबीच्या आकडेवारीनुसार, आतापर्यंत ५२ कंपन्यांनी आयपीओच्या अनुषंगाने मसुदा प्रस्ताव (रेड हेरिंग प्रॉस्पेक्टस) दाखल केला आहे. २००७ नंतरचा हा उच्चांक आहे, त्या वर्षांत १२१ कंपन्यांनी भांडवली उभारणीसाठी प्रस्ताव सादर केला होता. भांडवली बाजाराच्या चालू कॅलेंडर वर्षांत मोठय़ा प्रमाणावर घसरण झाली आहे. गेल्या वर्षी ऑक्टोबर महिन्यात सेन्सेक्स आणि निफ्टीने उच्चांकी पातळी गाठल्यानंतर त्यात १५ टक्क्यांची घसरण झाली आहे. बाजारातील परिस्थिती आव्हानात्मक झाल्याने कंपन्यांनी सावध भूमिका घेतल्याने आयपीओच्या माध्यमातून भांडवल उभारणीची संख्या कमी झाली आहे. वर्षांच्या पहिल्या चार महिन्यांत सरासरी प्रत्येक महिन्यात १० कंपन्यांचे आयपीओ बाजारात धडक देतात. मात्र यंदा मे आणि जूनमध्ये अनुक्रमे चार आणि सहा कंपन्यांनी भांडवली बाजारात नशीब अजमावले आहे.

कामगिरीच्या मोर्चावर:

भांडवली बाजारात चालू वर्षांत नव्याने सूचिबद्ध झालेल्या कंपन्यांपैकी केवळ अदानी विल्मरच्या समभागाने गुंतवणूकदारांना सर्वात सरस परतावा दिला आहे. हा समभाग सूचिबद्धतेपासून १५६ टक्क्यांनी वधारला आहे. या पाठोपाठ व्हरांडा लर्निग सोल्यूशन्सने ६५ टक्के, रेन्बो चिल्ड्रन ९ टक्के तर वेदान्त फॅशन्सने ८ टक्के परतावा दिला आहे. मात्र एजीएस ट्रान्झॅक्ट टेक्नॉलॉजीज, एलआयसी, कॅम्पस अ‍ॅक्टिव्हवेअर, डेलिव्हरी, हरिओम पाइप आणि उमा एक्स्पोर्टने गुंतवणूकदारांच्या पदरी नुकसान टाकले आहे.