ई-कॉमर्स सुलभ करणार

क्षेत्रातील करतिढाही सुटण्याची मंत्र्यांची ग्वाही
बहुचर्चित ई-कॉमर्सची गुंतागुंत सोडविण्यासाठी या क्षेत्राची नव्यावे व्याख्या तयार करण्यासह त्यात अधिक पारदर्शकता आणण्यासाठी प्रयत्न केले जाणार असल्याची ग्वाही केंद्रीय व्यापार व वाणिज्य मंत्री निर्मला सीतारामन यांनी दिली आहे. ई-कॉमर्सवरील कर तिढाही यामाध्यमातून सोडविण्याचे आश्वासन त्यांनी यावेळी दिले.
ई-कॉमर्समधील सर्व भागीदारांबरोबर सरकारने चर्चा केली असून विविध राज्य सरकारांनीही त्यांची या क्षेत्राबाबतची मते नोंदविल्याचे सीतारामन यांनी सांगितले. एकूणच रिटेल हे क्षेत्र बहुपदर असलेले क्षेत्र असून त्यात अधिक सुटसुटीतपणा असावा, अशी अपेक्षा असल्याचेही त्या म्हणाल्या. ई-कॉमर्समध्ये थेट विदेशी गुंतवणूक वाढविण्याचा तूर्त कोणताही विचार नसल्याचेही त्यांनी स्पष्ट केले.