विदेशस्थ भारतीय दात्यांना करसवलतीचे लाभ शक्य

भारतातील स्वयंसेवी संस्था आणि सामाजिक उपक्रमांना आर्थिक मदत देऊन अमेरिका-ब्रिटनस्थित मूळ भारतीय व अनिवासी भारतीयांना इम्पॅक्ट गुरूमार्फत करसवलतीचे लाभ मिळविणे आता शक्य होणार आहे. जनसामुदायिक निधी उभारणारा (क्राऊडफंडिंग) भारतातील सर्वात मोठा मंच असणाऱ्या इम्पॅक्ट गुरूने यासाठी डिजिटल व्यासपीठाच्या निर्मितीची वाट सुकर करणारी भागीदारी अमेरिका व ब्रिटनमध्ये कार्यरत ग्लोबलगिव्हिंगशी केली आहे. या भागीदारीमुळे ग्लोबलगिव्हिंगच्या तंत्रज्ञानाचा वापर करून भारतातील एनजीओ आणि सामाजिक उद्यमांची www.impactguru.com वरून पडताळणी करता येईल आणि आंतरराष्ट्रीय देणगीदारांना विशेषत: अनिवासी भारतीय आणि भारतीय मूळ असलेल्या व्यक्तींना देणगी देऊन करलाभही मिळविता येतील.

आणखी वाचा

नाशिक पूर्व मतदार संघातील मनसे उमेदवाराविरुध्द गुन्हा, पक्ष सचिवाच्या घरात लूट

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

पुणे: आयुर्विमा पॉलिसीच्या नावाखाली तरुणीची १३ लाखांची फसवणूक

महायुतीच्या लोकप्रिय आश्वासनांमुळे तिजोरीवर दीड ते दोन लाख कोटींचा अधिक आर्थिक भार ?

दुर्बलांची काळजी घेणारे नेतृत्व आणि व्यक्तिमत्त्व: रतन टाटा

भारतीयांना भारत सोडण्याची संधी का हवी असते?

एचडीएफसी बँकेच्या कर्जदरात वाढ; तुमच्या गृह कर्ज, वाहन कर्जाचा हप्ता वाढणार काय?

देशाची निर्यात ८०० अब्ज डॉलरचा टप्पा ओलांडेल!

जगातील सर्वाधिक ना-नफा तत्त्वावरील संस्थांचे (तब्बल ३३ लाख एनजीओ) भारत हे माहेरघर आहे आणि या संस्था आंतरराष्ट्रीय देणगीदारांमार्फत दरसाल ८,५०० कोटी रुपये उभारत असल्याचा अधिकृत अंदाज आहे.

विदेशस्थ दात्यांच्या सेवाभाव वृत्तीला स्थानिक स्तरावर उपलब्ध करविषयक लाभाने मोठी चालना मिळेल, असे इम्पॅक्ट गुरूचे सह-संस्थापक पीयूष जैन यांनी विश्वास व्यक्त केला. यातून मुख्यत: विदेशातील भारतीय समुदायाच्या दातृत्वाला प्रोत्साहित केले जाईल असे त्यांना वाटते.

यापूर्वी इम्पॅक्ट गुरूने फंडनेल या सिंगापूरस्थित खासगी गुंतवणूक मंचाबरोबरीने भागीदारीचा यशस्वी प्रयोग केला आहे. यातून तिला दक्षिणपूर्व आशियात अस्तित्व निर्माण करता आले आहे. २०१६ सालापासून इम्पॅक्ट गुरू आणि फंडनेल यांनी वेगवेगळ्या १५ देशांमधील उपक्रमांसाठी ३२९ कोटी रुपयांचा निधी उभारण्यात संस्थांना साहाय्य केले आहे.