गेल्या महिन्यातील अघाऊक तसेच किरकोळ महागाई दर उंचावला असला तरी मुख्य निर्देशांक ४ टक्क्यांवर विसावल्याने रिझव्‍‌र्ह बँकेचा व्याजदर कपातीचा मार्ग मोकळा झाला आहे. फेब्रुवारीमधील किरकोळ महागाई दर १०.९१ टक्के तर घाऊक किंमत निर्देशांक ६.८४ टक्के असा गेल्या महिन्याच्या तुलनेत उंचावला असला तरी मुख्य महागाई दर ४ टक्क्यांच्या खाली विसावला आहे. ‘क्रिसिल’च्या मते हा दर गेल्या ३५ महिन्यांनंतरचा या टप्प्यावर आला आहे.
मुख्य महागाई दर हेच रिझव्‍‌र्ह बँकेच्या चिंतेचे कारण राहिले आहे. नेमके हेच निमित्त करून मध्यवर्ती बँक व्याज दर कपातीबाबत वेळोवेली सावधानता व्यक्त करत आली आहे. गव्हर्नरांनी हा दर ५ ते ६ टक्क्यांच्या दरम्यान असावा, असे मत यापूर्वीही व्यक्त केले आहे. आता हा दर थेट ४ टक्क्यांपर्यंत खाली आल्याने व्याजदर कपातीची वाट मोकळी झाली आहे.
मध्यवर्ती बँकेचे मध्य तिमाही पतधोरण येत्या मंगळवारी जाहीर होत आहे. यात यंदा किमान पाव टक्क्याची व्याजदर कपात व्हावी, असा अपेक्षावजा दबाव उद्योग, बँक क्षेत्रातून निर्माण होत आहे. फेब्रुवारीमध्ये मुख्य महागाई दर ४.५१ टक्के नोंदला गेला आहे. वर्षभरापूर्वी तो याच कालावधीत ५.८२ टक्के होता. आज हा दर जाहीर होताच केंद्रीय अर्थ खाते स्तरावरूनही विकासाला चालना देणारे निर्णय यंदाच्या पतधोरणातून दिसावे, असे नमूद करत व्याजदर कपातीचे संकेत देण्यात आले.
कंपन्यांचे सामाजिक दायित्त्व
आघाडीच्या पायाभूत सेवा क्षेत्रातील हिंदुस्थान कन्स्ट्रक्शन कंपनी अर्थात एचसीसीला ‘वर्ल्ड सीएसआर काँग्रेस’कडून सामाजिक गुंतवणूक धोरणाचा सवरेत्कृष्टतेचा पुरस्कार प्राप्त झाला आहे. उद्योग क्षेत्रात सामाजिक दायित्वापोटी म्हणजेच सीएसआर करणाऱ्या संस्था आणि व्यक्तींना या व्यासपीठाद्वारे दरवर्षी गौरविले जाते. एचसीसीला तिने पाणी व्यवस्थापन, बचत, आपत्ती निवारण, शिक्षण आणि सामाजिक विकासासाठी केलेल्या कार्यासाठी कंपनीची या सन्मानासाठी निवड झाली. शतकी वाटचाल राखणाऱ्या एससीसी समूहाची उलाढाल ९,१५७ कोटी रुपयांची आहे.
* रिलायन्स फाऊंडेशनच्या ‘भारत इंडिया जोडो’ मोहिमेला प्रतिसाद मिळत आहे. १० राज्यांमधील २५० हून अधिक खेडय़ांमध्ये ही मोहिम पोहोचली आहे. अशाच एका उपक्रमा दरम्यान फाऊंडेशनच्या अध्यक्षा नीता अंबानी यांनी गुजरातमधील सेलारपूर गावात (ता. मांगरोल, जि. सुरत) बैलगाडीतून प्रवास केला.
