घरखरेदीदारांना लोढा बिल्डर्सवर आर्थिक गैरव्यवहाराचा संशय

घर खरेदीदारांकडून जमा करण्यात आलेली रक्कम कंपनीने अन्य देणी देण्यासाठी वापरल्याचा संशय आहे. यासाठी कंपनीच्या मार्च २०१४ च्या आर्थिक ताळेबंद अहवालाचा आधार देण्यात आला आहे. अहवालात देय भांडवल अवघे २२ लाख असताना नफा मात्र २ कोटी दाखविण्यात आल्याचा तक्रारदारांचा दावा आहे. कंपनीची राखीव तसेच अतिरिक्त गंगाजळी ही केवळ ६.३६ कोटी रुपये दाखविण्यात आल्याचेही नमूद करण्यात आले आहे.

काऊटाऊनमध्ये लोढा समूहाने काही विदेशी कंपन्या, भागीदार यांच्या साहाय्याने गुंतवणूक केली आहे. सेबी तसेच सक्तवसुली संचालनालयामार्फत सध्या लोढा समूहातील विविध स्थावर मालमत्ता प्रकल्पातील गुंतवणूक, विदेशी निधी ओघ याबाबतची तपासणी सुरू आहे