‘सिआझ’ला दसऱ्याचा मुहूर्त

केवळ संकेतस्थळावर पाहण्यासाठी उपलब्ध असलेल्या मारुती सुझुकीच्या ‘सिआझ’ सेदानची ६ हजार ग्राहकांनी नोंदणी केली आहे. कंपनीच्या सध्याच्या एसएक्स४ची जागा घेणारे हे वाहन यंदाच्या दसऱ्यापासूनच दालनांमध्ये उपलब्ध होणार आहे. ताफ्यात १३ प्रकारची वाहने असलेल्या मारुती सुझुकीने सिआझ या नवीन सी श्रेणीतील प्रवासी वाहनाची नोंदणी नुकतीच सुरू केली आहे. आतापर्यंत ६ हजार जणांनी उत्सुकता दाखविल्याचे कळते. कंपनीने २१ हजार रुपये स्वीकारत सध्या या वाहनाची नोंदणी सुरू केली आहे. चालविल्यानंतर हे वाहन पसंत न आल्यास रक्कम परत देण्याची तरतूदही यात आहे. स्पर्धेत कंपनीचे हे वाहन होंडाच्या सिटी व ह्य़ुंदाईच्या वेर्नाला टक्कर देईल.