आयडीबीआय बँक-माविम सामंजस्य

आयडीबीआय बँक आणि महिला विकास महामंडळ (माविम) यांच्यात बचत गटांना कर्जाच्या सुविधा उपलब्ध करून देण्याबाबतचा सामंजस्य करार नुकताच करण्यात आला.
आयडीबीआय बँकेचे कार्यकारी संचालक एस. के. व्ही. श्रीनिवासन आणि एमएव्हीआयएमच्या व्यवस्थापकीय संचालिका कुसुम बाळसराफ यांनी स्वाक्षरी केली. यावेळी सर व्यवस्थापक एन कृष्णन्, एन. व्यंकटेश आणि आयडीबीआय आणि माविमचे इतर अधिकारी उपस्थित होते. महाराष्ट्रातील आयडीबीआय बँकांच्या विविध शाखांमध्ये या कराराचे पालन केले जाईल. माविमच्या आर्थिक उत्पादन उपक्रमांच्या माध्यमातून बचत गटांचे संगोपन करणे आदी बाबी या व्यवस्थापनाअंतर्गत केल्या जातील.