बाजारात नवे काही..

टॉमीची घडय़ाळ शृंखला
टॉमी हिलफिगरने घडय़ाळांची नवी श्रेणी सादर केली आहे. पुरुष तसेच महिला वर्गासाठी ही घडय़ाळे असून ती विविध डिझाईन तसेच रंगांमध्ये उपलब्ध करण्यात आली आहेत. स्प्रिंग – समर कलेक्शन मोहिमेंतर्गत सादर करण्यात आलेली ही घडय़ाळे ५,९९५ ते १२,९९५ रुपयां दरम्यान आहेत.
‘फेअरी डान्स’ सुवासिके
उत्कंठेचा विशुद्ध सुगंध म्हणून जगभरात प्रसिद्ध असलेले अ‍ॅना सुई ब्रॅण्ड भारतात दाखल झाले आहे. ब्युटी कॉन्सेप्ट प्रा. लि.ने या ब्रॅण्डचे ‘फेअरी डान्स’ सुवासिके प्रथमच भारतीय बाजारात आणली आहेत. याचा विलोभनीय, उबदार सुगंध परिकथेतील उद्यानात विहरासारख्या  आनंदोत्सव, प्रसन्नता आणि तेजोमय उत्साह वगैरे अगणित भाव जागे करतात असा उत्पादकांचा दावा आहे. अनोख्या विलासी रचनेतील बाटलीत हे सुवासिक ३० मिली, ५० मिली, ७५ मिली तसेच १०० मिलीच्या आकारात उपलब्ध झाले आहे.
लाऊन्ज मायएक्स शीतपेय
होळीमध्ये शीतपेयांचा अनोखा आस्वाद घेण्यासाठी ‘लाऊन्ज मायएक्स’ने विविध पाच चवीतील पेय बाजारात आणले आहेत. केपिरिन्हा, मार्गारिटा या दोन मुख्य प्रकारातील हे तयार शीतपेय आहे. ग्रीनवेज फूड्स अ‍ॅन्ड बेव्हरेजेस कंपनीचा हा ब्रॅण्ड नॉन अल्कोहोलिक श्रेणीत मोडत असून अमेरिकेतील प्रयोगशाळेत त्याची तपासणी करण्यात आलेली आहे.
‘बाया डिझाईन’मध्ये सवलत
‘अ‍ॅन्टिक पीस’ दालन म्हणून लोकप्रिय असलेल्या बाया डिझाईनमध्ये मार्चअखेर तब्बल ५० टक्के सवलतीत घरातील शोभिवंत वस्तू उपलब्ध करून देण्यात आल्या आहेत. कला तसेच हस्त या श्रेणीतील या वस्तू २८ ते ३१ मार्च या कालावधीत मूळ किंमतीच्या निम्म्या रकमेपर्यंत विक्रीसाठी उपलब्ध आहेत. लोअर परेल येथील रघुवंशी मिल्स परिसरात कंपनीच्या दालनांमध्ये बैठक घरातील शोभेच्या तसेच इतर बहुपयोगी अशा या वस्तू मिळतील.
माय कलर, माय एरियल
न निघणारे डाग काढून टाकते आणि अनोख्या     ‘कलर लॉक’ तंत्रज्ञानाने कपडय़ांचे मूळ रंग    कायम ठेवते अशा ‘नवीन एरियल कलर अ‍ॅण्ड स्टाइल’ या कपडे धुण्याच्या पावडरने अभिनव विपणन मोहिम सुरू केली आहे. ‘माय कलर माय एरियल’ नावाच्या उपक्रमातून स्त्रियांच्या प्रयासांचे कौतुक केले जाणार आहे. क्रिकेटशी वडील पतौडी यांच्यापासून घरचे नाते असलेली  अभिनेत्री सोहा अली खान आणि फिरकीपटू प्रग्यान ओझाची पत्नी कॅरेबी कैलाश यांनी या मोहिमेची मुंबईत सुरुवात केली.
आयरिस मनोहारी सुगंध
रायपल फ्रॅगरन्सचा ब्रॅण्ड असलेल्या आयरिसमार्फत फ्लॉवर डिफ्फ्युझर्स हे उन्हाळ्यासाठीचे फ्रॅगरन्स सादर करण्यात आले आहे. याची किंमत ८५० रुपये (६० मिली) असून ते तूर्त केवळ लॅवेन्डर सुगंध प्रकारातच उपलब्ध आहेत. आघाडीच्या सर्व दालनांमध्ये ते विक्रीसाठी उपलब्ध आहे.
ई-मेल बनावापासून सावधगिरी
होळीनिमित्ताने आपल्या इनबॉक्समध्ये येऊन धडकणाऱ्या ईमेलपासून सावध राहण्याचा सल्ला संकेतस्थळाचे संरक्षण करणाऱ्या ‘नॉर्टन बाय सिमेन्टेक’ या माध्यमाने दिला आहे. रंगपंचमीनिमित्ताने शहरात होणाऱ्या अनेक मनोरंजन पाटर्य़ा तसेच अभिनेते-अभिनेत्रींच्या संगतीत होळी साजरी करण्याचे ई-मेल संदेश आतापासून सुरू झाले आहेत. तसेच यासाठी लोकप्रिय सोशल साईटचाही अवलंब केला जातो. अशा ई-मेलच्या लिंक्स क्लिक करून संकेतस्थळावर जाण्यापूर्वी विचार करण्याचा सल्ला ‘नॉर्टन’चे भारतातील विक्री व्यवस्थापक रितेश चोप्रा यांनी दिला आहे. तसेच या संकेतस्थळांची पूर्ण माहिती घेऊनच त्यावर लॉगिन अथवा पासवर्ड नोंदवावा, असेही स्पष्ट करण्यात आले आहे.
रंगबेरंगी हॅन्ड बॅण्ड्स
होळी हा रंगाचा सण असल्याने या दिवशी विविध रंगातील हॅन्ड बॅण्ड घालण्याची पद्धतही प्रचलित आहे. महाविद्यालयीन तरुणांमधील नेमके हेच आकर्षण लक्षात घेऊन डि बीअर्स ग्रुप ऑफ कंपनीजने एन्कॉर्डिया ब्रेसलेट श्रेणी सादर केली आहे. विविध आकर्षक रंगांमधील हे बॅण्ड हातासाठी एकदम मऊ आहेत. त्यावर हिऱ्यांमधील नक्षीही चितारण्यात आली आहे.
फ्लोरशेम स्लीपर्स
पादत्राणांचे आघाडीचे आंतरराष्ट्रीय ब्रॅण्ड फ्लोरशेम दैनंदिन वापरासाठी उपयुक्त चमकदार चामडय़ापासून बनलेल्या पण वजनाने हलक्या व मऊ अशा कम्फर्ट स्लीपर्सची श्रेणी प्रस्तुत केली आहे. या चपलांचा तळभाग मायक्रोटेक या पर्यावरणस्नेही सामग्रीपासून बनलेला आणि विशेषत: भारतासारख्या उष्ण हवामानास मानवणारा व टिकाऊ आहे. उत्तम बांधणी आणि देखणी रंगसंगती असलेल्या या स्लीपर्सची जोड रु. ३७९५ ते रु. ३९९५ किमतीत उपलब्ध झाली आहे.