पूनावाला फिनकॉर्पला ३७५ कोटींचा नफा 

पुणे : पूनावाला फिनकॉर्प लिमिटेडने आर्थिक वर्ष २०२१-२२ मध्ये ३७५.४ कोटी रुपये आणि ३१ मार्च २०२२ रोजी संपलेल्या चौथ्या तिमाहीत ११८.९ कोटी रुपयांचा एकत्रित निव्वळ नफा नोंदवला आहे. कंपनीने मागील आर्थिक वर्षांत ५५९ कोटी रुपयांचा आणि २०२०-२१ मधील चौथ्या तिमाहीत ६४७.७ कोटी रुपयांचा तोटा नोंदवला होता. आर्थिक वर्ष २०२१-२२ साठी व्यवस्थापनांतर्गत मालमत्ता (एयूएम) मागील वर्षांच्या तुलनेत १७ टक्क्यांनी वाढून १६,५७९ कोटी रुपयांवर गेली तर, वितरण मागील वर्षांच्या तुलनेत १५८ टक्क्यांनी वाढून ९,४९४ कोटी रुपयांवर गेले.