ल क्ष वे धी..

‘रिलायन्स’ची मजल ९०० रुपयांपल्याड-महत्त्वाकांक्षी कृष्णा गोदावरी खोऱ्यातून आगामी कालावधीत अधिक वायू उत्पादन होण्याबद्दल रिलायन्स इंडस्ट्रीजने व्यक्त केलेल्या आशेने कंपनीचे समभाग मूल्य मुंबई शेअर बाजाराच्या सोमवारच्या सत्रात थेट ३.८ टक्क्यांपर्यंत उंचावत नेले. शुक्रवारीदेखील ५.७ टक्क्यांनी उंचावणारा रिलायन्सचा समभाग सोमवारी कैक दिवसानंतर ९०० रुपयांपल्याड गेला. दिवसअखेर मात्र वाढ १.९३ टक्क्यांवर सीमित राखत तो ८८५.८० रुपयांवर स्थिरावला. कंपनीचे बाजारमूल्यही यातू न २,८६,२८१ कोटींपर्यंत पोहोचू शकले.