तांदूळ, गहू, डाळी, बटाटेसारख्या खाद्य वस्तूंच्या किंमती वधारत्या राहूनही डिसेंबरमधील घाऊक किंमत निर्देशांक काहीसा घसरून ७.१८ टक्क्यांवर आला आहे. पतधोरण निर्नायकीसाठी मध्यवर्ती बँकेला हा दर ५ ते ६ टक्के असणे आवश्यक आहे. रिझव्‍‌र्ह बँकेचे तिमाही पतधोरण २९ जानेवारी रोजी जाहिर होत आहे. सध्या रेपो दर ८ तर रिव्हर्स रेपो दर ७ टक्के आहे. वाढती महागाई ही चिंतेची बाब मानूनच रिझव्‍‌र्ह बँकेने एप्रिल २०१२ पासून प्रमुख व्याजदर कमी केलेले नाहीत. परिणामी नोव्हेंबरमधील शून्याच्याही खालचे औद्योगिक उत्पादन आणि अनपेक्षित ८ टक्के सकल राष्ट्रीय उत्पादनही दुर्लक्षिले गेले आहे. दरम्यान, सलग तिसऱ्या महिन्यात किरकोळ महागाईचा दर वधारला आहे.