नेहमीच्या अ‍ॅन्टिबायोटिक्स व्यतिरिक्त सिप्लाची थॅलसेमिया, दमा, एड्स इत्यादी आजारांवरची संशोधन कामगिरी आणि औषधे फारच मोलाची आणि गुणकारी राहिली आहेत. जगभरातील सर्व दमेकरी सिप्लाने आणलेल्या इन्हेलर्समुळे दुवा देतात. जर्मनी आणि स्वीडनमध्ये इन्हेलर्सचा सध्याचा वाटा १५% असून येत्या वर्षभरात ब्रिटनची मान्यता मिळाल्यावर हा वाटा ५०% वर जाईल. तसेच अमेरिकेत देखील ‘तेवा’ या तेथील औषधी कंपंनीच्या सहाय्याने कंपनी नेक्सिअम हे उत्पादन विकते.
यंदाच्या आíथक वर्षांत या विक्रीतही चांगलीच वाढ अपेक्षित आहे. गेल्या वर्षी कंपनीने १२ फायिलग्स (पेटंटसाठी) केली आहेत. येत्या दोन वर्षांत अनेक नवीन उत्पादने बाजारात येतील. या सर्वाचा सकारात्मक परिणाम कंपंनीच्या कामकाजावर होईल.
कंपनीचे यंदाच्या आíथक वर्षांतील पहिल्या तिमाहीचे निकाल अजून जाहीर व्हायचे आहेत. गेल्या आíथक वर्षांत १,१८१.०९ कोटींचा निव्वळ नफा कमावणाऱ्या या कंपनीचे गेल्या तिमाहीचे निकाल तितकेसे आकर्षक नव्हते. मात्र येत्या दोन वर्षांत कंपनीकडून भरीव कामगिरीची अपेक्षा असल्याने दीर्घकालीन गुंतवणुकीसाठी सिप्ला एक चांगली गुंतवणूक ठरू शकते.
stocksandwealth@gmail.com
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
