पोर्टफोलिओचे तोल संतुलन!

सुमारे ३० वर्षांपूर्वी स्थापन झालेली पुण्यातील प्राज इंडस्ट्रीज आज भारतातील एक यशस्वी बायोफ्युएल कंपनी मानली जाते. प्राजचा व्यवसाय मुख्यत्वे बायो प्रॉडक्ट्स, पाण्यावरील प्रक्रिया, इथेनॉल आणि ब्रुअरी प्लांट्स इ.मध्ये विभागला आहे. कंपनीची चार उत्पादन केंद्रे असून त्यातील दोन गुजरातमधील कांडला येथे तर दोन महाराष्ट्रात पुणे आणि वाडा येथे आहेत. जगभरात आपली सेवा पुरवणाऱ्या प्राजची डिसेंबर २०१६ साठी संपलेल्या तिमाहीची कामगिरी अपेक्षेप्रमाणेच उत्तम आहे. कंपनीने उलाढालीत २१% वाढ नोंदवून तो २१४.६ कोटींवर तर नक्त नफ्यातही ११०.१% वाढ होऊन तो १६.६ कोटींवर गेला आहे. कंपनीच्या एकूण उलाढालीपकी ६७% उत्पन्न देशांतर्गत सेवांपासून असून सुमारे ३३% उत्पन्न निर्यातीतून होते.

आणखी वाचा

पुणे : एटीएममधून रोकड चोरणाऱ्या चोरट्याला पकडले; सुरक्षारक्षक, वाहतूक पोलिसांची तत्परता

Sushma Andhare : “माझी प्रिय भावजय” म्हणत सुषमा…

बाजाराचा तंत्र-कल : शेअर बाजाराला बाळसं की सूज?

रामदास आठवले भाजपला सांभाळणार की रिपब्लिकन कार्यकर्त्यांना?

जीएम सोयाबीन विना तेलबिया मिशन संकटात

चंद्रचूड यांच्या कार्यकाळात सत्तासंघर्षाचा निकाल लांबणीवर पडणे अतर्क्य ; सिंघवी

मतांसाठीच दलित, आदिवासी हिताची भाषा ; काँग्रेस अध्यक्ष मल्लिकार्जुन खरगे यांचा आरोप

अन्वयार्थ : हजार कोटी सापडले, त्याचे पुढे काय झाले?

आजच्या घडीला सुमारे १,११५ कोटींच्या ऑर्डर्स हातात असलेल्या प्राजवर कुठलेही कर्ज नाही. दक्षिण अमेरिका, युरोप, आफ्रिका तसेच दक्षिण पूर्व आशियामध्ये गेली अनेक वष्रे कार्यरत असलेली ही कंपनी लवकरच आता शेतीच्या टाकाऊ मालापासून इथेनॉलचे उत्पादन करणार आहे. हा प्रयत्न यशस्वी झाला तर ती एक क्रांतीच मानावी लागेल.

सूचना: लेखकाची वा त्याच्या जवळच्या नातेवाईकांची (उपलब्ध माहितीप्रमाणे) लेखात सुचविलेल्या कंपनीच्या शेअर्समध्ये कुठलीही गुंतवणूक नाही किंवा असल्यास ती १% पेक्षा कमी आहे. तसेच सुचविलेल्या कंपनीशी लेखकाचा कुठलाही संबंध नसून त्याने कंपनीकडून कुठलेही मानधन अथवा भेटवस्तू घेतलेली नाही.

stocksandwealth@gmail.com