रपेट बाजाराची : अच्छे दिन..!

सुधीर जोशी
गेल्या सप्ताहात आयटीसी, मिहद्र अँड मिहद्र, डाबर, पी आय इंडस्ट्रीज, दीपक नाईट्राईट, बँक ऑफ बडोदासारख्या अनेक दिग्गज कंपन्यांच्या निकालांनी तेजीच्या तुफानाला अधिक वेग दिला. अमेरिकी भांडवली बाजाराची दमदार धाव, आंतरराष्ट्रीय पातळीवर खनिज तेलाच्या घसरलेल्या किमती, परदेशी गुंतवणूकदारांकडून झालेली समभाग खरेदी आणि सावरलेला रुपया या बाबी बाजारासाठी अनुकूल ठरल्या. मात्र तैवानमधील घडामोडी युक्रेनच्या वाटेने जाण्याची शक्यता व सप्ताहाच्या शेवटच्या दिवशी होणारा रिझव्र्ह बँकेच्या व्याज दरवाढीचा बाजारावर अधिक दबाव राहिला. तैवानच्या आघाडीवर मोठी घडामोड झाली नाही. सध्या तरी त्यामुळे शांतता आहे. भांडवली बाजाराच्या अपेक्षेप्रमाणे मध्यवर्ती बँकेने देखील अध्र्या टक्क्यांची रेपो दरवाढ जाहीर केली. यामुळे बाजाराच्या तेजीला खीळ बसली नाही. सप्ताहअखेर बाजाराचे प्रमुख निर्देशांक सकारात्मक पातळीवर बंद होण्यास यशस्वी झाले.