Raksha Bandhan 2022: ११ की १२ ऑगस्ट, कोणत्या दिवशी साजरा करावा रक्षाबंधनाचा सण? तज्ज्ञांनी सांगितली योग्य वेळ

या वर्षी श्रावण महिन्याची पौर्णिमा ११ ऑगस्ट रोजी सकाळी १० वाजून ३८ मिनिटांनी सुरू होत आहे. या वेळेत भद्राही होत असून ते रात्री ८ वाजून ५३ मिनिटांनी संपेल. शास्त्रानुसार भद्रकालमध्ये रक्षाबंधनाचा सण साजरा करणे अशुभ मानले जाते. ११ ऑगस्ट रोजी, प्रदोष काळात, संध्याकाळी ५ वाजून १८ मिनिटे ते ६ वाजून १८ मिनिटांच्या दरम्यान राखी बांधता येईल.

Monthly Horoscope August 2022 : ऑगस्ट महिन्यात घडणार महत्त्वपूर्ण घडामोडी; जाणून घ्या तुमचे मासिक राशीभविष्य

यानंतर, भद्राच्या शेवटी, रात्री ८ वाजून ५४ मिनिटे ते ९ वाजून ४९ मिनिटांपर्यंत राखी बांधता येते. परंतु हिंदू धर्माच्या मान्यतेनुसार सूर्यास्तानंतर राखी बांधण्यास मनाई आहे. याच कारणामुळे १२ ऑगस्टला रक्षाबंधनाचा सण साजरा करणे शुभ मानले जाते.

धार्मिक मान्यतेनुसार राखी बांधताना भावाचे तोंड पूर्व दिशेला आणि बहिणीचे तोंड पश्चिम दिशेला असावे. सर्वप्रथम बहिणी आपल्या भावाला कुंकू आणि तांदूळ यांचा टीका लावावा. तुपाच्या दिव्याने भावाला ओवाळावे. त्यानंतर त्याला मिठाई भरवून भावाच्या उजव्या हाताच्या मनगटावर राखी बांधावी.

(येथे देण्यात आलेली माहिती गृहीतके आणि सामान्य माहितीवर आधारित आहे.)