Daily Astrology In Marathi : १२ फेब्रुवारी २०२५ रोजी माघ महिन्याच्या शुक्ल पक्षातील पौर्णिमा आहे. पौर्णिमा तिथी आज संध्याकाळी ७ वाजून २३ मिनिटांपर्यंत राहील. सकाळी ८ वाजून ०७ मिनिटांपर्यंत सौभाग्य योग राहील, त्यानंतर शोभन योग जुळून येईल. तसेच आश्लेषा नक्षत्र आज संध्याकाळी ७ वाजून ३५ मिनिटांपर्यंत जागृत असणार. तर राहू काळ १२ वाजता सुरु होईल ते १ वाजून ३० मिनिटांपर्यंत असेल. याशिवाय आज रात्री ९ वाजून ५६ मिनिटांनी सूर्य कुंभ राशीत प्रवेश करेल. तर आज सौभाग्य योगात १२ राशींचा दिवस कसा जाईल हे आपण जाणून घेऊया…

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

१२ फेब्रुवारी पंचांग व राशिभविष्य

मेष:- व्यावसायिक स्तर सुधारेल. अपेक्षित लाभाची अपेक्षा पूर्ण होईल. कामात सहकार्‍यांची मदत घेता येईल. कामे वेळेत पूर्ण करण्यावर भर द्याल. कामाची योग्य पावती मिळेल.

आणखी वाचा

वृषभ:- अपेक्षित लाभाने खुश व्हाल. मनातील इच्छा पूर्ण करता येईल. अधिकारी व्यक्तींचा घरात वावर राहील. घरगुती वापराच्या वस्तु खरेदी कराल.

मिथुन:- मनातील चुकीच्या विचारांना खतपाणी घालू नका. वैवाहिक सौख्याकडे लक्ष द्यावे. आपली कला इतरांसमोर सादर करता येईल.
तुमच्यातील चांगल्या गुणांचे कौतुक केले जाईल. मदतीचा हात सढळ ठेवाल.

कर्क:- अचानक धनलाभाची शक्यता. वैचारिक स्थिरता ठेवावी. मानसिक व्यग्रता जाणवेल. धार्मिक ग्रंथांचे वाचन कराल. पत्नीशी मतभेद संभवतात.

सिंह:- भागीदाराशी मतभेद संभवतात. आर्थिक प्रश्न मार्गी लागतील. जमिनीच्या कामातून लाभ संभवतो. कामाच्या ठिकाणी कौतुक केले जाईल. मुलांचे धाडस वाढेल.

कन्या:- पत्नीची उत्तम साथ मिळेल. एकमेकांमधील प्रेमळ सहवास वाढीस लागेल. भागीदाराशी सुसंवाद साधला जाईल. तुमचे संपर्क क्षेत्र वाढेल. प्रलोभनापासून दूर राहावे.

तूळ:- कामातील ऊर्जा वाढेल. हातात नवीन अधिकार येतील. आकर्षणाला बळी पडू नका. हाताखालील लोकांकडून सहकार्य मिळेल. नातेवाईकांची मदत घेता येईल.

वृश्चिक:- सांस्कृतिक कार्यक्रमात भाग घ्याल. स्त्रियांशी ओळख वाढेल. छंद जोपासण्यास वेळ देता येईल. कलात्मक दृष्टीकोन ठेवाल. सहवासातून मैत्री घट्ट होईल.

धनू:- घराचे सुशोभीकरण काढाल. कामाचे योग्य नियोजन कराल. सारासार विचार करण्यावर भर द्यावा. घरातील वातावरण खेळीचे राहील. जवळचा प्रवास घडेल.

मकर:- शांततेचे धोरण स्वीकारावे. सामुदायिक गोष्टींमध्ये सावधतेने वागावे. प्रवासात काळजी घ्यावी. आध्यात्मिक बळ वाढवावे. जबाबदारीची जाणीव ठेवून वागाल.

कुंभ:- मानसिक स्थैर्य जपावे. घाई घाईने कोणतेही निर्णय घेऊ नका. क्षुल्लक गोष्टींवर प्रतिक्रिया देणे टाळा. आवडीच्या गोष्टींमध्ये मन रमवावे. मित्रांशी मतभेद संभवतात.

मीन:- आपल्या मर्जीप्रमाणे वागाल. कामातील बदल जाणून घ्यावेत. बदलाकडे सकारात्मकतेने पहावे. फसवणुकी पासून सावध रहा. आनंदी दृष्टिकोन ठेवून वागावे.

ज्योतिषी विद्याधर करंदीकर