Today Horoscope in Marathi: १८ जानेवारी २०२५ रोजी पौष महिन्याच्या कृष्ण पक्षातील पंचमी तिथी आहे. पंचमी तिथी रविवारी सकाळी ७ वाजून ३१ मिनिटांपर्यंत असणार आहे. आज १ वाजून १६ मिनिटांपर्यंत शोभन योग जुळून येईल. शुभ कार्य आणि प्रवासासाठी शोभन योग उत्तम मानला जातो. या योगात सुरू झालेला प्रवास सुखदायक असतो . वाटेत कोणत्याही प्रकारची गैरसोय होत नाही. जी इच्छा मनात बाळगून प्रवास कराल ती देखील पूर्ण होते, असे मानले जाते. त्याचप्रमाणे आज २ वाजून ५२ मिनिटांपर्यंत पूर्वाफाल्गुनी नक्षत्र जागृत असणार आहे. तसेच आज राहू काळ ९ वाजता सुरु होईल ते १० वाजून ३० मिनिटांपर्यंत असणार आहे. पूर्वाफाल्गुनी नक्षत्रात शोभन योग बनल्याने आज १२ राशींना दिवस कसा जाणार हे आपण जाणून घेऊया…
१८ जानेवारी पंचांग व राशिभविष्य (Aries To Pisces Horoscope Today) :
मेष:- तुम्ही आतुरतेने वाट पाहत असलेली गोष्ट समोर येऊन ठेपेल. भौतिक सुखाचा आनंद घ्याल. एखाद्या गोष्टीकडे पाहण्याचा दृष्टीकोन बदला. गरजूंना मदत कराल. आध्यात्मिक आवड वाढीस लागेल.
वृषभ:- कौटुंबिक वादात पडू नका. कोणतेही वचन देताना सावध रहा. अनावश्यक खर्चावर नियंत्रण ठेवावे. बचतीकडे लक्ष द्यावे. नवीन योजनांवर लक्ष केन्द्रित करावे.
मिथुन:- आपल्यातील कौशल्याचा पुरेपूर वापर करावा. निर्णय तुमच्या बाजूचा असेल. मुलांच्या काही बाबी गांभीर्याने घ्या. व्यवसईकांनी संधीचा लाभ घ्यावा. ज्येष्ठ बंधूंचा पाठिंबा मिळेल.
कर्क:- आपल्या मर्जीप्रमाणे वागाल. दिवस कलासक्त असेल. वरिष्ठांना खुश कराल. मित्रांविषयि गैरसमज होऊ शकतात. काही अनपेक्षित बदल दिसून येतील.
सिंह:- मित्रांच्या मदतीने कामे पूर्ण होतील. अधिकाराची अंमलबाजावणी करावी. वैचारिक स्थिरता ठेवावी. पायाची दुखणी संभवतात. विद्यार्थांचे प्रश्न सुटतील.
कन्या:- व्यवसायिकांना लाभदायक दिवस. मनातील इच्छा पूर्ण कराल. सर्व गोष्टीत आनंद वाटेल. बोलतांना सांभाळून शब्द वापरा. नातेवाईकांना नाराज करू नका.
तूळ:- आपल्याच मतावर अडून राहाल. इतरांच्या बाजूचा देखील विचार करावा. वागण्यातून अति स्पष्टता दर्शवू नका. कौटुंबिक बाबी देखील विचारात घ्याव्यात. कामाची धांदल राहील.
वृश्चिक:- आरोग्याकडे दुर्लक्ष करू नका. मैत्रित गैरसमज होण्याची शक्यता. डोकेदुखीचा त्रास संभवतो. पुढील गोष्टींचा अंदाज बांधावा. कौटुंबिक जबाबदारीत वाढ होईल.
धनू:- जोडीदाराचा सल्ला अवश्य घ्यावा. संभ्रमित असताना निर्णय घेऊ नका. दिवस मध्यम फलदायी. वैचारिक स्थिरता ठेवावी. नियमांना तडा जाऊ देऊ नका.
मकर:- लहान आजरांकडे लक्ष ठेवा. चालढकल करू नका. जोडीदाराची उत्तम साथ लाभेल. जुन्या गोष्टी आठवत बसू नका. चारचौघात कौतुक होईल.
कुंभ:- भागीदारीत फार विसंबून राहू नका. बोलताना आपले मत शांतपणे मांडा. नवीन उत्पादने घेऊ शकाल. नोकरीच्या संधी उपलब्ध होतील. सरकारी योजनांचा लाभ घ्या.
मीन:- स्थावर संबंधी योजनांना चालना द्याल. अतिघाईत निर्णय घेऊ नका. आरामाची इच्छा पूर्णत्वास जाईल. व्यावसायिक विकास शक्य होईल.
ज्योतिषी विद्याधर करंदीकर
