Ajche Rashi Bhavishya : २ मार्च २०२५ रोजी फाल्गुन महिन्याच्या शुक्ल पक्षातील तृतीया तिथी आहे. तृतीया तिथी रविवारी रात्री ९ वाजून ०३ मिनिटांपर्यंत राहील. दुपारी १२ वाजून ३९ मिनिटांपर्यंत शुभ योग राहील, त्यानंतर शुक्ल योग जुळून येईल. तसेच उत्तरा भाद्रपद नक्षत्र सकाळी ९ वाजेपर्यंत राहील, त्यानंतर रेवती नक्षत्र जागृत असेल. तसेच राहू काळ संध्याकाळी ४ वाजून ३० मिनिटांनी सुरु होईल ते ६ वाजेपर्यंत असणार आहे.
याशिवाय सकाळी ६ वाजून ६ मिनिटांनी शुक्र मीन राशीत वक्री होणार आहे. ज्योतिष शास्त्रानुसार प्रत्येक ग्रह वेळोवेळी गोचर किंवा वक्री स्थितीत येऊन राशी व नक्षत्र बदल करत असतात. प्रेम, संपत्ती व वैभवाचे कारक शुक्र ग्रह अलीकडेच मीन राशीत प्रवेश घेतील. तर शुक्रदेव कोणत्या राशीच्या नशिबाला कलाटणी देणार हे आपण जाणून घेऊया…
२ मार्च पंचांग व राशिभविष्य :
मेष:- कामावर अधिक लक्ष केन्द्रित करावे. समोरील प्रत्येक गोष्टीत रस घ्याल. उत्तम वैवाहिक सौख्य लाभेल. विषय वासना वाढू शकते. हौसेचे मोल लक्षात घ्याल.
वृषभ:- दिवस घाईगडबडीत जाईल. खिलाडु वृत्तीने वागाल. मित्रांशी पैज लावाल. बुद्धिकौशल्याने कामे करण्याकडे कल राहील. उपासनेसाठी वेळ काढावा.
मिथुन:- कौटुंबिक सौख्याकडे लक्ष द्यावे. बागबगीच्याच्या कामात गुंग व्हाल. समोरील सर्व गोष्टीत आनंद मानाल. घरगुती कामे सुरळीत पार पडतील. उत्तम वाहन सौख्य लाभेल.
कर्क:- बौद्धिक छंद जोपासाल. स्वभावात काहीसा लहरीपणा येईल. जास्त चौकसपणा दाखवाल. साहित्य प्रेम दर्शवाल. भावंडांच्या सहवासात जुन्या आठवणीत रमाल.
सिंह:- आवडीच्या गोष्टी करण्यावर भर द्यावा. पत्नीशी मनमोकळ्या गप्पा माराल. भागीदारीच्या कामात काही नवीन बदल करावेत. कचेरीच्या कामात वेळ लागू शकतो. सामाजिक संबंध जपावेत.
कन्या:- आपल्या इच्छेला अधिक महत्व द्याल. स्वत:चे म्हणणे खरे कराल. इतरांबद्दल मत बनवण्याआधी सारासार विचार करावा. घरगुती प्रसंग शांतपणे हाताळावेत. काही कामे फार कष्ट न घेता पार पडतील.
तूळ:- मानसिक चंचलता जाणवेल. उगाचच नसत्या काळज्या करत बसाल. ध्यानधारणा करण्याकडे लक्ष द्यावे. हातातील अधिकाराची जाणीव ठेवावी. आर्थिक उलाढाल सावधगिरीने करावी.
वृश्चिक:- व्यावसायिक लाभ सुनिश्चित करावा. मित्रांचे सहकार्य मिळेल. वरिष्ठांना खुश करता येईल. व्यापारी वर्ग अपेक्षित लाभाने समाधानी राहील. मनातील इच्छा पूर्ण होईल.
धनू:- कामाची वेळेनुसार छानणी करावी लागेल. जबाबदारी लक्षात घेऊन वागावे. राग आवरता घ्यावा लागेल. कोणतेही धाडस करतांना सावधानता बाळगावी. प्रवासात काळजी घ्यावी.
मकर:- धार्मिक स्थळांना भेट द्याल. तात्विक विचार मांडाल. गुरूजनांचा आशीर्वाद मिळवाल. थोर व्यक्तींविषयी आदर व्यक्त कराल. क्षमाशीलतेने वागाल.
कुंभ:- दिवसभर कामाचा ताण राहील. बौद्धिक ताण जाणवेल. मित्रांशी वादाचे प्रसंग येऊ शकतात. इतरांच्या मताचा विचार करावा. योग्य संधीची वाट पहावी.
मीन:- बदलीची चिन्हे दिसतील. तुमच्या कार्यपद्धतीचे कौतुक केले जाईल. कामात उर्जितावस्था येईल. वैचारिक सुसूत्रता ठेवावी. जोडीदाराचा हट्ट पूर्ण कराल.
ज्योतिषी विद्याधर करंदीकर
© IE Online Media Services (P) Ltd