20th July 2024 Marathi Rashibhavishya: २० जुलै २०२४ ला आषाढ महिन्यातील शुक्ल पक्षातील चतुर्दशी असणार आहे. शनिवारी संध्याकाळी ५ वाजून ५९ मिनिटांपर्यंत चतुर्दशी तिथी कायम असेल. शनिवारचा संपूर्ण दिवस पार करून २१ जुलैच्या मध्यरात्री १ वाजून ४९ मिनिटांपर्यंत पूर्वाषाढा नक्षत्र जागृत असणार आहे. तसेच २१ जुलैच्या मध्यरात्री १२ वाजून ८ मिनिटांपर्यंत वैधृती योग कायम असणार आहे. आजच्या दिवशी सुरु कर्क राशीत तर चंद्र धनु राशीत स्थिर असणार आहे. आज सकाळी ९ वाजून २ मिनिटांपासून ते १० वाजून ४५ मिनिटांपर्यंत राहू काळ असणार आहे पण अन्यथा हा दिवस शुभ असेल. आजच्या दिवशी तुमच्या राशीला नेमका कसा लाभ होऊ शकतो हे पाहूया.. २० जुलै पंचांग व राशी भविष्य मेष:-आज दिवसभर कार्यरत राहाल. बोलण्यात मधाळपणा बाळगावा. कामासंबंधी मनात संभ्रम बाळगू नका. गणपतीाची उपासना करा. कामाच्या ठिकाणी तुमचा प्रभाव दिसून येईल. वृषभ:-गोड बोलून सर्व कामे निभावून न्याल. कौटुंबिक वातावरण आनंदी व उत्साही राहील. चांगली पुस्तके वाचनात येतील. सहकार्‍यांची मदत घ्याल. चमचमीत पदार्थांचा आस्वाद घ्याल. मिथुन:-अनावश्यक खर्च टाळण्याचा प्रयत्न करावा. जोडीदारावर विश्वास ठेवावा. वरिष्ठांची मनधरणी करावी लागू शकते. नवीन योजनांची अंमलबजावणी करावी. मैत्रीतील सलोखा कायम ठेवावा. कर्क:-महत्त्वाचे निर्णय विचारपूर्वक करा. समोरील व्यक्तीशी वाद टाळावा. अति गोड पदार्थ खाणे टाळावे. दिवस अनुकूल जाईल. जोडीदाराचे सहकार्य मिळेल. सिंह:-बौद्धिक चातुर्य दर्शवाल. वरिष्ठांना विश्वासात घेऊन कार्य तडीस न्यावे. हलका आहार घ्यावा. आध्यात्मिक प्रगती करता येईल. विरोधकांचा त्रास कमी होईल. कन्या:-मित्रांची मदत होईल. मनात उगाच नसत्या शंका आणू नका. नातेवाईकांचा रूसवा काढावा लागेल. लहान-सहान दुखण्यांकडे दुर्लक्ष करू नका. मनासारखे कौटुंबिक स्वास्थ्य लाभेल. तूळ:-समाधानी दिवस असेल. नवीन कामात समाधानी राहाल. नातेवाईकांच्या गाठीभेटी घडतील. नवीन प्रकल्पावर काम चालू कराल. मौजमजेवर पैसे खर्च होतील. वृश्चिक:-आळस झटकून कामाला लागावे. दीर्घ प्रतीक्षेच्या कामात यश येईल. आर्थिक पातळीवर समाधान मिळेल. समोरील संधीचे सोने करावे. कामानिमित्त घराबाहेर राहावे लागू शकते. धनू:-हातून सेवा घडेल. घरगुती कामे जलद गतीने पार पडतील. जुन्या गोष्टीवर चर्चा टाळावी. पारंपरिक विचार बाजूला सारून पहावेत. नातेवाईकांना मदत करावी लागू शकते. मकर:-दिवसभर कामात व्यग्र राहाल. घरातील जुन्या गोष्टीवर चर्चा करू नका. कौटुंबिक वातावरण आनंदी ठेवाल. चिकाटीने व प्रामाणिकपणे कामे कराल. मुलांच्या वागण्याकडे लक्ष ठेवा. कुंभ:-काही गोष्टी अधिकार वाणीने सांगाव्यात. नवीन ओळखी सत्कारणी लागतील. भागीदारीत खुश असाल. नवीन विचारांना चालना द्यावी. मित्र जपून ठेवावेत. हे ही वाचा<< ३०० दिवस कमावणार बक्कळ पैसा! गुरू ग्रहाच्या कृपेने ‘या’ तीन राशीच्या लोकांची आर्थिक समस्या होणार दूर मीन:-कौटुंबिक शांतता बाळगावी. बोलताना सौम्य शब्दांचा वापर करावा. व्यायामाचे फायदे लक्षात घ्या. व्यापारी वर्गाला अपेक्षित लाभ होईल. व्यवसाय वृद्धीचा विचार कराल. - ज्योतिषी विद्याधर करंदीकर
