22th September 2024 Rashi Bhavishya & Panchang : २२ सप्टेंबर २०२४ ला आश्विन कृष्ण पक्षातील पंचमी तिथी आणि रविवार आहे.ही पंचमी तिथी रविवारी दुपारी ३ वाजून ४४ मिनिटांपर्यंत राहील. आजच्याच दिवशी पंचमी तिथीचे श्राद्ध केले जाईल. आजच्या दिवशी दोन योग सक्रिय असतील. एक म्हणजे हर्ष योग, जो रविवारी सकाळी ८ वाजून १७ मिनिटांपर्यंत राहील, त्यानंतर वज्र योग सुरु होईल, जो सोमवारी पहाटे ५ वाजून २७ मिनिटांपर्यंत राहील. याशिवाय २२ सप्टेंबर रोजी रात्री ११ वाजून ३३ मिनिटांपर्यंत कृतिका नक्षत्र राहील.तर राहू काळ दुपारी ५ वाजून ०४ मिनिटांपासून ते ६ वाजून ३५ मिनिटांपर्यंत असेल. २२ सप्टेंबर रोजी पंचमी तिथी असलेल्यांसाठी श्राद्ध विधी केले जातील.तर आज रविवारी कोणाच्या राशीत काय सुख-दुख: असणार आहे हे आपण जाणून घेऊ या… २२ सप्टेंबर पंचांग व राशीभविष्य (22th September Rashi Bhavishya & Panchang) मेष:- कामात घाई गडबड करू नका. आजचा दिवस शुभ आहे. दिवसभर धावपळ करावी लागेल. कार्यक्षेत्रातील बदल आपल्यासाठी सकारात्मक असेल. उत्तम वर्तनाने सर्वांना आपलेसे करून घ्याल. वृषभ:- घरातील कामे वेळेवर आटोपती घ्या. मनाची चलबिचलता जाणवेल. करमणुकीकडे कल वाढेल. हातातील कामात यश येईल. प्रिय व्यक्तीच्या भेटीने मन आनंदी होईल. मिथुन:- कामातील अपेक्षितता वाढेल. मनातील इच्छा पूर्ण होईल. मौल्यवान वस्तु खरेदी कराल. दिवस चांगला जाईल. घरातील वातावरण प्रसन्न राहील. कर्क:- उधारी वसूल व्हायला सुरुवात होईल. धनवृद्धीचे योग जुळून येतील. व्यावसायिक योजनांना बळ मिळेल. भावनेच्या भरात निर्णय घेऊ नका. सारासार विचार करावा. सिंह:- बोलताना आक्रमक शब्द वापरू नका. जुनी कामे विनासायास पूर्ण होतील. आरोग्याकडे दुर्लक्ष करू नका. आहारावर विशेष नियंत्रण ठेवा. बाहेरील पदार्थ खाणे टाळावे. कन्या:- खर्च समाधानकारक असेल. मानसिक शांतता लाभेल. विरोधक नामोहरम होतील. वैवाहिक जीवन संमिश्र राहील. काही गोष्टी जुळवून घ्याव्या लागतील. तूळ:- एखादी गोष्ट संभ्रमित करू शकते. मित्राचा सल्ला घ्याल. मत मांडताना थोडासा विचार करावा. काही गोष्टी लपवण्याकडे कल राहील. जोडीदाराचे उत्तम सान्निध्य लाभेल. Read More Astrology Related News : Ganesh Chaturthi 2025 : पुढच्या वर्षी गणेश चतुर्थी कोणत्या तारखेला साजरी होईल? जाणून घ्या नेमकी तारीख आणि महत्त्व वृश्चिक:- झोपेची तक्रार जाणवेल. संयमाने परिस्थिती हाताळावी लागेल. आर्थिक स्थिती चांगली राहील. बोलताना तारतम्य बाळगवे लागेल. रागावर नियंत्रण ठेवावे लागेल. धनू:- घरासाठी खरेदी केली जाईल. आनंदाची अनुभूति घ्याल. सांसारिक सौख्यात वाढ होईल. मानसिक शांतता लाभेल. भावंडांशी स्नेहभाव वाढेल. मकर:- अचानक उद्भवणार्‍या खर्चावर आळा घालावा. घरात तुमच्या शब्दाला महत्त्व मिळेल. गोड बोलून कामे करून घ्याल. वाहन विषयक कामे निघतील. फार गरज नसेल तर प्रवास टाळावा. कुंभ:- जुने प्रश्न मार्गी लावाल. किरकोळ समस्या सोडवू शकाल. बोलताना शब्दांचे वजन लक्षात घ्या. अचानक खर्चात भर पडू शकते. हातातील अपूर्ण कामाकडे आधी लक्ष द्यावे. मीन:- उगाच रागराग करू नका. वैवाहिक समस्यांकडे लक्ष द्यावे. कौटुंबिक वातावरण चांगले राहील. तणाव दूर होऊ शकेल. कामातील उत्साह वाढेल. (ज्योतिषी विद्याधर करंदीकर )
