२८ की २९ ऑक्टोबर, २०२३ चं शेवटचं खंडग्रास चंद्रग्रहण नक्की कधी? सुतक काळ, तिथी जाणून घ्या

Chandra Grahan 2023: वर्षातून अगदी मोजक्या वेळा घडणारी खगोलिय घटना म्हणजेच ग्रहणाला धार्मिक बाबींमध्ये सुद्धा विशेष महत्त्व आहे. असं म्हणतात या काळात राहू व केतूचा पृथीवरील प्रभाव वाढू लागतो. वैज्ञानिक माहितीनुसार, जेव्हा सूर्य आणि चंद्राच्या मध्ये पृथ्वी येते तेव्हा पृथ्वीची सावली चंद्रावर पडते, त्यामुळे चंद्र ग्रहण होते. चंद्र ग्रहणाचे छायाकल्प, खंडग्रास आणि खग्रास असे तीन प्रकार आहेत. यावेळेसचे चंद्रग्रहण खंडग्रास प्रकारातील आहे. विशेष म्हणजे शरद/ कोजागिरी पौर्णिमेला यावेळेस ग्रहण लागणार आहे. यावेळेस चंद्रासह पृथ्वीच्या जवळ येत असलेल्या गुरू ग्रहाची युती सुद्धा दिसणार आहे. गुरू ग्रह पुढील आठवड्यात पृथ्वी जवळ येत असल्याने आकाराने मोठा आणि तेजस्वी दिसणार आहे. तिथी व सुतक काळानुसार चंद्रग्रहण नेमकं २८ ऑक्टोबरला आहे की २९ ला याविषयी सविस्तर जाणून घेऊया..