29th June Marathi Panchang & Rashi Bhavishya: २९ जून २०२४ ला ज्येष्ठ महिन्यातील कृष्ण पक्षातील अष्टमी तिथी आहे. शनिवारी दुपारी २ वाजून २१ मिनिटांपर्यंत अष्टमी कायम असेल व त्यानंतर नवमीला प्रारंभ होईल. आजची अष्टमी शीतलाष्टमी म्हणून ओळखली जाते. आज संध्याकाळी ६ वाजून ५४ मिनिटांपर्यंत शोभन योग असणार आहरे. आज सकाळी ८ वाजून ४९ मिनिटांपर्यंत उत्तरा भाद्रपद नक्षत्र त्यानंतर संपूर्ण दिवसभर रेवती नक्षत्र जागृत असेल. आज दुपारी १२ वाजून २८ मिनिटांनी बुध कर्क राशीत प्रवेश करणार आहे तसेच आजच्या दिवशी शनी वक्रीचा प्रारंभ होईल. ग्रहांच्या मजबूत स्थितीनुसार आज शनिवारी २९ जून २०२४ ला आपल्या नशिबाला कशी कलाटणी मिळू शकते हे पाहूया.. २९ जून पंचांग व राशी भविष्य मेष:-आपल्या हिंमतीने सर्वांची दाद मिळवाल. मनातील इच्छा पूर्णत्वास येईल. सहकारी वर्गाचे सहाय्य मिळेल. जिद्दीने कामे तडीस न्याल. कौटुंबिक वातावरण हलके फुलके ठेवाल. वृषभ:-नवीन बौद्धिक आव्हान स्वीकाराल. सर्वांचे हित लक्षात घेऊन वागावे. जोडीदाराच्या कामगिरीचे कौतुक कराल. कुटुंबात वैचारिक देवाणघेवाण होईल. स्वत:च्या मतावर आग्रही राहाल. मिथुन:-हौसेने काही गोष्टी पूर्ण कराल. बदलांना सकारात्मकतेने सामोरे जावे. नियम मोडून चालणार नाहीत. कौटुंबिक वातावरण चांगले राहील. छुप्या शत्रूंचा त्रास वाढू शकतो. कर्क:-अचानक धनलाभाची शक्यता. कामे धिम्या गतीने पुढे सरकतील. वरिष्ठांची मदत घ्यावी लागेल. नवीन नियम पाळताना कसरत करावी लागेल. सहकार्‍यांना मदतीचा हात पुढे कराल. सिंह:-घरातील मोठ्यांचा आधार मिळेल. वरिष्ठांचा विश्वास संपादन कराल. ओळखीतून रखडलेली कामे मार्गी लागतील. सहकार्‍यांच्या अडचणी समजून घ्याल. जोडीदार तुमच्यावर खुश असेल. कन्या:-कामात चंचलता आड येऊ शकते. वेळेचे योग्य पालन करावे. नियोजनबद्ध कामे आखावीत. अडथळ्यातून मार्ग काढता येईल. भागीदाराशी मतभेद होण्याची शक्यता. तूळ:-करमणुकीतून नवीन गोष्टी शिकाल. जुगाराची आवड पूर्ण कराल. आशावादी दृष्टीने कामाकडे पहावे. घरात तुमचे प्रभुत्व राहील. कलेची आवड जोपासाल. वृश्चिक:-आर्थिक गरज भागेल. गोष्टींची आवश्यकता लक्षात घ्यावी. जिद्दीने कामे करण्यावर भर द्याल. जवळचा प्रवास चांगला होईल. क्रोध वृत्तीत वाढ होऊ शकते. धनू:-साधक बाधक विचार करावा लागेल. हाताखालील लोकांचे उत्तम सहकार्य मिळेल. हित शत्रूंवर जय मिळवाल. व्यवसायातील विरोधी हालचाली लक्षात घ्या. विवेक बुद्धीचा योग्य वापर करावा. मकर:-तुमच्यातील धाडस वाढेल. योग्य व नियोजन पूर्व कामे आखावीत. दूरदृष्टी ठेवून वागावे. चोख कामे करण्याकडे कल राहील. कौटुंबिक बाबतीत निराशा झटकून टाका. कुंभ:-योग्य व्यावहारिक ज्ञान वापरावे. नवीन मित्र जोडण्याचा प्रयत्न करावा. आपल्या मर्जीप्रमाणे दिवस घालवाल. फटकळपणे बोलणे टाळावे. अति स्पष्टता बरी नव्हे. हे ही वाचा<< ४६ दिवस या ६ राशींना पावलोपावली नशिबाची मिळेल साथ; प्रचंड पैसे, पद व प्रतिष्ठेसह मिळेल प्रवासाची मोठी संधी मीन:-कामाला अधिक उत्साह येईल. क्षुल्लक गोष्टींकडे दुर्लक्ष करावे. व्यावसायिक चिंता दूर कराव्यात. प्रयत्नात कसूर करून चालणार नाही. वाढत्या व्यापामुळे व्यस्त राहाल. - ज्योतिषी विद्याधर करंदीकर
