4th July Panchang & Marathi Rashi Bhavishya: ४ जुलै २०२४ ला ज्येष्ठ कृष्ण पक्षातील त्रयोदशी व चतुर्दशी तिथी असणार आहे. गुरुवारच्या दिवशी सकाळी ५ वाजून ५५ मिनिटांपर्यंत त्रयोदशी तिथी असेल व त्यानंतर चतुर्दशी तिथी सुरु होईल. ४ जुलैचा संपूर्ण दिवस व रात्र पार करून शुक्रवारी सकाळी ५ वाजून १४ मिनिटांपर्यंत वृद्धी योग असणार आहे. गुरूवारी रात्री उशिरा ३ वाजून ५५ मिनिटांपर्यंत मृगशिरा नक्षत्र जागृत असणार आहे. याशिवाय ४ जुलैला मासिक शिवरात्री असणार आहे. आजच्या दिवशी मेष ते मीन राशीचे भाग्य कसे उजळणार हे पाहूया.. ४ जुलै पंचांग व राशी भविष्य मेष:-अविचाराने वागून चालणार नाही. परिस्थितीनुरूप संयम बाळगावा. तडकाफडकी निर्णय घेऊ नका. काही बदल त्रस्त करू शकतात. समस्या निराकरणाचे उपाय सापडतील. वृषभ:-मुलांच्या आवडी निवडी पुरवाल. काही सवयी बदलून पहाव्यात. मेहनतीला पर्याय नाही. विलंबाने का होईना पण यश मिळेल. मनाप्रमाणे दिवस घालवाल. मिथुन:-अवास्तव खरेदीचा मोह टाळावा. मन काहीसे सैरभैर राहील. समोरील प्रत्येक गोष्टीत रममाण व्हाल. आज प्रेमाची अनुभूति येईल. निराशा टाळून कामाला लागावे. कर्क:-प्रिय व्यक्तीकडून भेटवस्तू मिळेल. नातेवाईकांशी संबंध दृढ होतील. आपली आकांक्षा पूर्ण होईल. केलेली गुंतवणूक फायदेशीर ठरेल. समोर आलेली संधी ओळखावी. सिंह:-खर्चाचे प्रमाण लक्षात घ्यावे. जोडीदाराच्या वागण्याचा अचंबा वाटेल. धार्मिक कामात मन गुंतवाल. मेहनतीचे फळ मिळण्यास सुरुवात होईल. अनुभावातून धडा घ्याल. कन्या:-सामाजिक बांधीलकी जपा. व्यावसायिक चढउताराकडे लक्ष ठेवावे. नातेवाईकांचे प्रश्न सामोरे येतील. स्वत:च्या कामाकडे दुर्लक्ष होऊ देऊ नका. नवीन अनुभावातून शिकाल. तूळ:-अचानक धनलाभ संभवतो. नवीन गुंतवणूक फायदेशीर ठरेल. जोडीदाराशी वादाचे प्रसंग येऊ शकतात. दुसर्यावर विसंबून राहू नका. कमिशन मधून चांगला लाभ होईल. वृश्चिक:-नातेवाईकांकडून सुखद बातमी मिळेल. आनंददायी दिवस राहील. भागीदारीतून चांगला लाभ होईल. जोडीदाराचा हट्ट पुरा कराल. भावनिक घटना घडू शकतात. धनू:-घरगुती वातावरण संमिश्र राहील. जोडीदाराच्या आरोग्याची काळजी घ्यावी. कामातून समाधान लाभेल. उगाचच मनात चिंतांना घर करू देऊ नका. प्रेमसंबंध अधिक दृढ होतील. मकर:-कामानिमित्त प्रवास करावा लागू शकतो. प्रकृतीची हेळसांड करू नका. मनोरंजनाकडे अधिक कल राहील. क्षुल्लक समस्येतून मार्ग निघेल. कामाचा ताण जाणवू शकतो. हे ही वाचा<< सोन्यासारखे उजळेल करिअर, ‘या’ लोकांच्या घरी जुलैचे २३ दिवस असेल महालक्ष्मीचा निवास, ७ जुलैपासून तीन राशींची होणार चांदी कुंभ:-सार्वजनिक बाबीत सहभाग घेऊ नका. दगदग व धावपळ होण्याची शक्यता. कौटुंबिक वातावरण स्थिर राहील. खाण्यापिण्याची पथ्ये पळावीत. मेहनतीला पर्याय नाही. मीन:-जोडीदाराच्या सहवासात रमाल. मनातील गैरसमज दूर होतील. आवडता छंद जोपासाल. मन प्रसन्न राहील. अति शिस्तीचा बडगा करू नका. - ज्योतिषी विद्याधर करंदीकर
