6th February 2024 Marathi Horoscope: आज, ६ फेब्रुवारी २०२४ ला षटतिला एकादशी असणार आहे. या एकादशीला केलेल्या व्रताचे शुभ फळ धन- धान्याच्या स्वरूपात प्राप्त होते अशी भाविकांची श्रद्धा असते. या दिवशी राशीचक्रातील कोणत्या राशीला कसे लाभ मिळण्याची शक्यता आहे हे आता आपण पाहणार आहोत. वाचा मेष ते मीन राशीचे भविष्य.
मेष:-कामातून समाधान शोधाल. जवळचे नातेवाईक भेटतील. प्रेमविवाहात सबुरीने घ्यावे. वारसाहक्काची कामे निघतील. जुनी येणी वसूल होतील.
वृषभ:-प्रवासातील अडचणी दूर कराव्यात. घरासाठी दगदग वाढेल. सकारात्मक विचारांनी वाटचाल करावी. मोठ्या लोकांची गाठ पडेल. अंगीभूत कला सादर करता येईल.
मिथुन:-आशावादी दृष्टिकोन ठेवावा. मनातील चुकीचे विचार काढून टाकावेत. परोपकाराची जाणीव ठेवाल. मनात नसते मांडे रचू नका. घरात नातेवाईक गोळा होतील.
कर्क:-प्रेमात फसवणुकीची शक्यता. वरिष्ठांच्या जास्त पुढे करू नका. धोरणीपणाने वागाल. नातेवाईकांकडून विरोध होवू शकतो. प्रलोभनात वाहवत जाऊ नये.
सिंह:-आवडीचे पदार्थ चाखाल. मुलांना योग्य प्रशिक्षण घेता येईल. अकारण ताणतणावाला बळी पडू नका. आरोग्यात सुधारणा होईल. जबाबदारीत वाढ होईल.
कन्या:-आवडत्या गोष्टी करण्यावर भर द्याल. दिवस मनाजोगा व्यतीत कराल. नियमांचे काटेकोर पालन करावे. वाहनांवरील वेग नियंत्रित ठेवावा. हाताखालील लोकांचे प्रश्न नीट हाताळावेत.
तूळ:-घरातील कुरबुरी दूर कराव्यात. जोडीदाराची प्रगती होईल. स्थावर संबंधीचे प्रश्न सोडवावेत. आधुनिक विचारांची जोड घ्यावी. सरकारी योजनेचा लाभ घ्यावा.
वृश्चिक:-आततायीपणे वागू नये. क्षुल्लक गोष्टी फार मनावर घेऊ नयेत. आत्मविश्वासाने वाटचाल करता येईल. रखडलेली कामे उरकून घ्यावीत. कौटुंबिक बाबतीत दिलासा मिळेल.
धनू:-आर्थिक व्यवहार सबुरीने करावेत. नवीन दृष्टिकोन ठेवावा. सामाजिक बाबीत फार लक्ष घालू नका. सहलीचे आयोजन कराल. लोकोपयोगी कामे कराल.
मकर:-मानसिक त्रास काहीसा वाढू शकतो. कामाच्या वेळा सांभाळाव्यात. गप्पागोष्टींमध्ये वेळ घालवाल. चित्त चांचल्य जाणवेल. अडथळ्यातून मार्ग काढाल.
कुंभ:-झोपेची तक्रार जाणवेल. खर्चाचे प्रमाण वाढू शकते. मनात उगाचच चिंता लागून राहील. कल्पनाशक्तीला चांगला वाव मिळेल. निराशा दूर सारावी.
हे ही वाचा << ३३१ दिवस ‘या’ राशींवर शनिदेव असणार मेहेरबान; कर्म बदलल्यास लाभेल अपार पैसा, बघा तुम्हाला आहे का ही संधी?
मीन:-अधिकारी व्यक्तींची गाठ पडेल. थोरांच्या सहवासात लाभेल. काही गोष्टी लपविण्याकडे कल राहील. व्यावसायिक वाढीचा विचार करावा. कामाच्या ठिकाणी मान वाढेल.
-ज्योतिषी विद्याधर करंदीकर
