6th July Ashadh Prarambh Panchang & Rashi Bhavishya: ६ जुलै २०२४ ला आज आषाढ महिन्याचा प्रारंभ होत आहे. शनिवारचा पूर्ण दिवस व रात्र पार करून पहाटे ४ वाजून २७ मिनिटांपर्यंत आषाढ शुक्ल प्रतिपदा असणार आहे. आजचा पूर्ण दिवस व उद्याच्या पहाटे ४ वाजून २७ मिनिटांपर्यंत यायीजयद योग सुद्धा कायम असणार आहे. उद्या पहाटे ४ वाजून ४८ मिनिटांपर्यंत पुनर्वसू नक्षत्र सुद्धा जागृत राहील. आजच पहाटे ४ वाजून ३१ मिनिटांनी कर्क राशीत शुक्राने प्रवेश केला आहे. या ग्रहस्थितीनुसार तसेच योगांनुसार आजचा आषाढ महिन्यातील पहिला दिवस तुमच्या राशीसाठी कसा जाणार हे पाहूया..
६ जुलै पंचांग व राशी भविष्य
मेष:-जोडीदाराशी विचारपूर्वक वागावे. संयमाने परिस्थिती हाताळा. कार्यक्षेत्रातील बदलांकडे लक्ष ठेवा. काही बदल त्रस्त करू शकतात. संयमाने वागावे.
वृषभ:-आर्थिक आवक वाढेल. महत्त्वाच्या योजना मार्गी लागतील. सवयी बदलाव्या लागतील. मेहनतीला पर्याय नाही. यश विलंबाने पदरात पडेल.
मिथुन:-आवास्तव खरेदीचा मोह टाळायला हवा. आज प्रेमाची अनुभूति येईल. मनाची दोलायमानता सांभाळावी लागेल. सर्वांशी प्रेमळपणे वागाल. नकारात्मक विचार सोडून द्यावेत.
कर्क:-मनाची चंचलता आवरावी. नातेवाईकांशी संबंध दृढ होतील. वरिष्ठांना नाराज करू नका. आज केलेली गुंतवणूक फायदेशीर ठरेल. उगाच लपवाछपवी करू नका.
सिंह:-तुमच्या मनातील इच्छा पूर्ण होईल. अथक मेहनतीचे चांगले फळ मिळेल. अनुभावातून धडा घ्यावा. मस्करीची कुस्करी होऊ देऊ नका. धार्मिक अनुष्ठानात दिवस घालवावा.
कन्या:-सामाजिक बांधीलकी जपावी. तुमच्याकडील कलेचे कौतुक केले जाईल. नातेवाईकांना सांभाळावे लागेल. थोडावेळ स्वत:साठी देखील काढावा. आपल्या कामाकडे दुर्लक्ष करू नका.
तूळ:-गुंतवणूक फायदेशीर ठरेल. आरोग्याच्या तक्रारी दूर होतील. वैवाहिक जीवनात वादाचे प्रसंग येऊ शकतात. वादामुळे मन खिन्न होऊ शकते. इतरांवर विसंबून राहू नका.
वृश्चिक:-मुलांशी वाद होऊ शकतो. भावनिक घटना घडू शकतात. कोणताही निर्णय घेताना सावध राहावे. घाईगडबड टाळावी. अचानक धनलाभाची शक्यता.
धनू:-घरातील वातावरण संमिश्र राहील. नवीन ओळखी वाढतील. जोडीदाराच्या प्रेम सौख्यात वाढ होईल. व्यावसायिक क्षेत्रातून लाभ होईल. भागिदारीतून नफा कमवाल.
मकर:-कामासाठी बाहेर राहावे लागेल. स्वत:च्या आरोग्याची काळजी घ्यावी. घराबाहेर बेसावधपणे वागू नये. कामाचा बोजा वाढू शकतो. समस्येतून मार्ग निघेल.
कुंभ:-सामाजिक कामात सहभाग घेऊ नका. दगदग व धावपळ टाळावी. रेस, जुगार यातून लाभ संभवतो. मुलांमुळे घर खेळकर राहील. करमणुकीवर भर द्यावा.
मीन:-जोडीदाराच्या सहवासात रमून जाल. मनातील गैरसमज दूर होतील. आर्थिक चिंता मिटेल. मन प्रसन्न राहील. प्रलोभनापासून दूर राहावे.
– ज्योतिषी विद्याधर करंदीकर
