7th July Panchang & Rashi Bhavishya Marathi: ७ जुलै २०२४ ला आषाढ महिन्यातील द्वितीया तिथी आहे. रविवारच्या दिवशी पूर्ण दिवसभर व रात्र पार सोमवारी सकाळी ५ वाजेपर्यंत द्वितीया तिथी कायम असणार आहे. ७ जुलैच्या रात्री २ वाजून १४ मिनिटांपर्यंत हर्षण योग कायम असणार आहे. रविवारच्या दिवशी पूर्ण रात्र पार करून सोमवारी शकलो ६ वाजून ४ मिनिटांपर्यंत पुष्य नक्षत्र योग असणार आहे. आजपासून जगन्नाथपुरी येथे रथोत्सव देखील सुरु होणार आहे. आजच्या रविवारी मेष ते मीन राशीच्या नशिबात काय लिहून ठेवलंय हे पाहूया..
७ जुलै पंचांग व राशी भविष्य
मेष:-राजकीय भूमिकेला यश येईल. तुमचा उत्साह वाढीस लागेल. मित्रांचे संपूर्ण सहकार्य मिळेल. आध्यात्मिक आवड वाढीस लागेल. अति घाई चांगली नाही.
वृषभ:-सामाजिक भान राखावे लागेल. तरुण वर्गाला आशादायक संधी मिळतील. मित्रांच्या सहवासात रमून जाल. भावंडांचे अधिक प्रेम मिळेल. कौटुंबिक वातावरण आनंदी राहील.
मिथुन:-मुलांसाठी लाभदायक गोष्टी घडतील. प्रत्येक गोष्टीत गोडी वाटेल. आवडीच्या पदार्थांवर ताव माराल. मित्रांशी वाद घालू नयेत. जमिनीच्या कामातून लाभ होऊ शकतो.
कर्क:-मानसिक चंचलता जाणवेल. बोलताना भान राखावे. अघळ-पघळ गोष्टी बोलू नका. अनाठायी खर्च करू नका. कामाच्या ठिकाणी बदलाचे वारे वाहू लागतील.
सिंह:-मनोवांच्छित लाभेल. नवीन काम सुखावणारे असेल. मानसिक चांचल्य राहील. कामाचा आवाका लक्षात घ्यावा. मित्रांची उत्तम साथ लाभेल.
कन्या:-तरुण वर्गाचे विचार जाणून घ्याल. काही नवीन ओळखी होतील. व्यापारी वर्गाला चांगला लाभ होईल. तुमचा दर्जा सुधारला जाईल. झोपेची तक्रार जाणवू शकते.
तूळ:-नवीन कामात गढून जाल. अधिकारी लोकांशी भेटता येईल. गोड बोलण्यातून लोक संग्रह वाढेल. कमिशन मधून लाभ मिळवाल. पत्नीचा वरचष्मा राहील.
वृश्चिक:-उगाच टोकाची भूमिका घेऊ नका. वाढीव मेहनत करावी लागू शकते. वडिलोपार्जित कामातून लाभ संभवतो. भावंडांशी वाद घालू नका. गुंतवणुकीच्या योजना सावधपणे कराव्यात.
धनू:-अचानक धनलाभ संभवतो. काही कामे कमी कष्टात पार पडतील. कथित गोष्टीवर विश्वास ठेऊ नका. आध्यात्मिक आवड वाढेल. पित्त विकार वाढू शकतात.
मकर:-प्रशंसेचा दिवस. भावनिक वळणे येऊ शकतात. दांपत्य जीवन सुखकारक राहील. कामात सुलभता येईल. शेजार्‍यांचा त्रास होण्याची शक्यता.
कुंभ:-मौजमजा कराल. स्वत:ला नियमात बांधू नका. जोडीदाराची प्रगती होईल. नवीन कामात उत्साह जाणवेल. कार्यक्षेत्रात मान, सन्मानाचे योग येतील.
मीन:-सुसंवादातून लाभ होतील. घरातील कामात मन गुंतवाल. विरोधक शांत राहतील. महत्वाकांक्षी योजना आमलात आणाव्यात. परिश्रमाची कास सोडू नये.
– ज्योतिषी विद्याधर करंदीकर
