Sun And Jupiter Conjunction In Aries: वैदिक ज्योतिषशास्त्रानुसार, ग्रह वेळोवेळी राशी बदलतात, ज्याचा परिणाम मानवी जीवनावर आणि देशावर आणि संपूर्ण जगावर दिसून येतो. तसंच संक्रमण करणारे ग्रह इतर ग्रहांशी युती करतात. एप्रिलच्या सुरुवातीला गुरु आणि सूर्याची युती होणार आहे. १२ वर्षांनंतर मेष राशीत ही युती तयार होणार आहे, कारण गुरू १२ वर्षांनी मेष राशीत प्रवेश करत आहे. या युतीचा प्रभाव सर्व राशीच्या लोकांवर दिसून येईल. परंतु अशा तीन राशी आहेत, ज्यांना या युतीमुळे प्धन आणि प्रगतीचे लाभ मिळण्याची शक्यता आहे. चला जाणून घेऊया कोणत्या आहेत या राशी…
मीन राशी
सूर्य आणि गुरूचा संयोग तुमच्यासाठी फायदेशीर ठरू शकतो. कारण ही युती तुमच्या राशीतून दुसऱ्या घरात होणार आहे. ज्याला धन आणि वाणीचे स्थान म्हणतात. त्यामुळे यावेळी तुमच्या आर्थिक स्थितीत चांगली सुधारणा होईल. तसेच गुरूच्या प्रभावामुळे तुमच्या संपत्तीत वाढ होऊ शकते. त्याच वेळी, तुमच्या वागण्यामुळे आजूबाजूची लोकं प्रभावित होऊ शकतात. तसंच जर तुम्ही नोकरी करत असाल तर तुम्हाला पदोन्नती किंवा पगारवाढ होण्याची शक्यता आहे. तसेच या काळात व्यावसायिकांना अडकलेले पैसे मिळू शकतात.
सिंह राशी
सिंह राशीच्या लोकांसाठी सूर्य आणि गुरूची युती शुभ ठरू शकते. कारण ही युती तुमच्या संक्रमण कुंडलीच्या नवव्या घरात होणार आहे. जे भाग्य आणि परदेशी स्थान मानले जाते. म्हणूनच यावेळी तुम्ही भाग्यवान होऊ शकता. तसेच ज्या लोकांना परदेशात जाण्याची इच्छा आहे त्यांच्यासाठी हा काळ शुभ आहे. त्याच वेळी, याकाळात तुमचे वडिलांसोबतचे नाते घट्ट होईल. तसेच याकाळात तुम्ही धार्मिक कार्यक्रमात सहभागी होऊ शकता. दुसरीकडे, सिंह राशीवर सूर्य देवाचे राज्य आहे. त्यामुळे ही युती आपल्यासाठी फायदेशीरठरू शकते.
( हे ही वाचा: पुढील ३० दिवस ‘या’ राशींना मिळणार प्रचंड पैसा? शनि- शुक्र तुम्हालाही बनवू शकतात अपार श्रीमंत)
कर्क राशी
कर्क राशीसाठी करिअर आणि व्यवसायाच्या दृष्टीने सूर्य आणि गुरूची युती फायदेशीर ठरू शकते. कारण ही युती तुमच्या राशीतून दहाव्या स्थानात तयार होणार आहे. त्यामुळे यावेळी गुरूदेवाच्या कृपेने बेरोजगारांना नवीन नोकरीची ऑफर मिळू शकते. तसेच, नोकरीच्या शोधात असलेल्या लोकांना करिअरच्या काही संधी मिळू शकतात, ज्याचा तुम्ही खूप दिवसांपासून विचार करत होता. दुसरीकडे, या काळात व्यापार्‍यांना चांगली ऑर्डर मिळून नफा मिळू शकतो.
