Astrology : वैदिक ज्योतिषशास्त्रामध्ये प्रत्येक महिन्यात जन्मलेल्या लोकांच्या व्यक्तिमत्त्वाविषयी सांगितले आहे. महिन्यानुसार लोकांचा स्वभाव वेगवेगळा असतो. जानेवारीपासून डिसेंबरपर्यंत प्रत्येक महिन्यात जन्मलेल्यांची वेगवेगळी वैशिष्ट्ये आहेत.
ज्योतिषशास्त्रानुसार, काही विशिष्ट महिन्यांत जन्मलेल्या व्यक्ती खूप जास्त नशीबवान असतात. ते महिने कोणते? चला तर जाणून घेऊ या ….
जानेवारी
जानेवारी महिन्यात जन्मलेले लोक खूप नशीबवान असतात. त्यांचा सेन्स ऑफ ह्युमर खूप जास्त चांगला असतो. ते काही क्षणांत लोकांचा मूड चांगला करतात. या व्यक्तींना अॅडजेस्ट करण्याची खूप जास्त सवय असते. कोणत्याही कठीण परिस्थितीला सामोरे जाण्यासाठी ते नेहमी तयार असतात. मोठ्ठी आव्हाने पेलण्याची क्षमता त्यांच्याकडे असते. त्यांचाकडे लीडरशिप क्वालिटी असते.
हेही वाचा :‘या’ राशींच्या मुलांवर मुली ओवाळून टाकतात जीव; पहिल्याच नजरेत होतात आकर्षित
ऑगस्ट
ऑगस्ट महिन्यात जन्मलेल्या व्यक्ती अत्यंत बुद्धिमान व नशीबवान असतात. आयुष्याच्या सुरुवातीला यांना अडचणी निर्माण होतात; पण त्यांचे नंतरचे आयुष्य खूप ऐषारामाचे असते. त्यांना खूप प्रामाणिक आणि त्यांच्यावर खूप प्रेम करणारा जोडीदार मिळतो. त्यांचे व्यक्तिमत्त्व दिलखुलास असते आणि त्यांना स्पष्ट बोलायला आवडते. त्यामुळे अनेक लोकांना त्यांचा स्वभाव आवडतो. या लोकांना आपल्या मनाप्रमाणे वागायला आवडते.
हेही वाचा : Chanakya Niti : नवऱ्याने बायकोला चुकूनही सांगू नयेत ‘या’ गोष्टी, वाचा आचार्य चाणक्य काय सांगतात…
ऑक्टोबर
ऑक्टोबर महिन्यात जन्मलेल्या व्यक्ती खूप आकर्षक दिसतात. वाढत्या वयानुसार त्या आणखी तरुण दिसतात. बोलण्याच्या अनोख्या शैलीमुळे असे लोक अनेकांना आवडतात. ते कोणतेही नाते मनापासून निभावतात. त्यांचे व्यक्तिमत्त्व खूप जास्त महत्त्वाकांक्षी असते. त्यांना मोठी स्वप्ने बघायला आवडतात. अनेकदा जिद्दी स्वभावामुळे ही माणसे त्यांची मोठी स्वप्ने पूर्ण करतात.
(टीप : वरील लेख हा प्राप्त माहितीवर आधारित आहे)
