ज्योतिषशास्त्रात सूर्याला ग्रहांचा राजा म्हटले जाते. सूर्य माणसाला ऊर्जा आणि शक्ती प्रदान करतो. त्यामुळे सूर्याच्या राशी परिवर्तनाचा परिणाम प्रत्येक राशीच्या लोकांच्या जीवनावर कोणत्या ना कोणत्या प्रकारे होतो. दुसरीकडे, ग्रहांचा देवता गुरु हा सुख, समृद्धी, संपत्ती आणि वैभवाचे कारण मानला जातो. त्यामुळे जेव्हा सूर्य आणि गुरु या दोन ग्रहांची युती होते तेव्हा अनेक राशीच्या लोकांच्या आयुष्यात बदल घडून येतो. अशातच येत्या नवीन वर्षात (२०२४ ) असाच योगायोग घडणार आहे, ज्यामुळे काही राशींना खूप फायदा होऊ शकतो. ज्योतिषशास्त्रानुसार ग्रहांचा राजा सूर्य १३ एप्रिल २०२४ रोजी मेष राशीत प्रवेश करणार आहे. जिथे गुरु आधीच विराजमान असणार आहेत. तर सूर्य आणि गुरुच्या युतीमुळे कोणत्या राशींना लाभ होणार आहे ते जाणून घेऊया.
मेष रास
सूर्य आणि गुरु या दोन्ही ग्रहांची युती लग्न स्थानी होत आहे. ज्यामुळे या राशीच्या लोकांना नवीन वर्षात बरेच फायदे मिळू शकतात. दीर्घकाळ चाललेल्या समस्या संपुष्टात येऊ शकतात, तसेच सरकारी क्षेत्राशी निगडित लोकांना मोठे यश मिळू शकते. सूर्य करिअर आणि व्यवसायाचा स्वामी मानला जातो. गुरु आणि सूर्य यांच्या युतीमुळे नोकरीच्या ठिकाणी अफाट यशासह पदोन्नती मिळू शकते. या काळात तुम्हाला कर्जातून आराम मिळू शकतो. वडिलोपार्जित व्यवसायातून तुम्हाला भरपूर नफा मिळू शकतो.
मिथुन रास
मिथुन राशीमध्ये गुरु आणि सूर्य युती अकराव्या स्थानी होत आहे. हे स्थान उत्पन्न, आर्थिक लाभ आणि संपत्ती, कीर्ती यांचे प्रतीक मानले जाते. त्यामुळे या राशीच्या लोकांना आर्थिक लाभ होऊ शकतो. तसेच उत्पन्नाचे नवीन स्रोत उघडू शकतात. तुमच्या पगारात वाढ होऊ शकते. कुटुंबासोबत चांगला वेळ घालवू शकता. भाऊ आणि बहिणीसोबत तुमचा वेळ चांगला जाईल. तर समाजात तुमचा मान-सन्मान वाढू शकतो.
कर्क रास
कर्क राशीमध्ये सूर्य आणि गुरूची युती दहाव्या स्थानी होत आहे. या स्थानाला कर्माचे घर म्हणतात. या राशीच्या लोकांच्या आयुष्यात फक्त आनंद येऊ शकतो. व्यावसायिक जीवनातही तुम्हाला बरेच फायदे मिळू शकतात. नोकरीच्या ठिकाणीही बरेच फायदे मिळू शकतात. या काळात तुमच्या कुटुंबात सुख-समृद्धी येऊ शकते.
(टीप: वरील लेख हा प्राप्त माहितीवर आधारित आहे)
