26 October 2024, Zodiac Horoscope : आज २६ ऑक्टोबर २०२४ रोजी अश्विन महिन्याच्या कृष्ण पक्षातील दशमी तिथी आहे. दशमी तिथी रविवारी पहाटे ५ वाजून २४ मिनिटांपर्यंत असणार आहे. शुक्ल योग रविवारी पहाटे ५ वाजून ५७ मिनिटांपर्यंत राहील. शनिवारी सकाळी ९ वाजून ४६ मिनिटांपर्यंत आश्लेषा नक्षत्र राहील, त्यानंतर मघा नक्षत्र दिसेल. आज राहू काळ ९ वाजता सुरु होईल ते १० वाजून ३० मिनिटांपर्यंत असेल. तर शनिवार १२ राशींसाठी कसा जाणार आहे हे आपण जाणून घेऊयात…
२६ ऑक्टोबर पंचांग व राशिभविष्य (Zodiac Signs Daily Horoscope) :
मेष:- दिवस संमिश्र जाईल. अधिकार्‍यांशी सबुरीने वागावे. वडीलधार्‍यांच्या आरोग्याची काळजी घ्यावी. सामाजिक मान मिळेल. वैवाहिक जीवनात सुसंवाद राहील.
वृषभ:- अधिक व्यावसायिक नफा मिळवण्यासाठी मेहनत घ्यावी लागेल. नवीन कामात यश मिळेल. सरकारी नोकरांनी स्पष्टता बाळगावी. सामाजिक संबंध फायदेशीर ठरतील. आत्मविश्वास वाढीस लागेल.
मिथुन:- दिवसाचा पूर्वार्ध चांगला जाईल. काही अनपेक्षित लाभ मिळतील. मित्रांच्या मदतीने प्रश्न सोडवता येतील. वडीलांचे मार्गदर्शन मोलाचे ठरेल. अनुभव हाच गुरु हे लक्षात घ्या.
कर्क:- स्वत:मध्येच रमून जाल. प्रतिस्पर्ध्याकडे दुर्लक्ष करून चालणार नाही. जोडीदारासोबत चांगला वेळ घालवाल. नोकरीतील बदलाला अनुकूल काळ. तुमचे प्रयत्न यशस्वी होतील.
सिंह:- विरोधकांच्या युक्त्या लक्षात घ्या. प्रेम जीवनात जवळीक साधता येईल. अज्ञात व्यक्तीशी व्यवहार करू नका. मेहनतीने यश प्राप्त होईल. मित्रांच्या सहकार्याने नवीन संधी मिळेल.
कन्या:- कामात तत्परता दाखवा. कौटुंबिक आनंद साधता येईल. मित्रांची मदत घ्याल. रखडलेली सरकारी कामे पुढे सरकतील. घराची समस्या सोडवली जाईल.
तूळ:- श्रेणीत वाढ संभवते. दूरची प्रवासाचा योग पुढे ढकलला जाऊ शकतो. घराचे काम निघेल. इतर कामात अधिक वेळ जाईल. मुलांच्या प्रगतीने मन सुखावेल.
वृश्चिक:- काही विशेष करण्याच्या नादात वेळ खर्ची जाईल. वरिष्ठांशी चांगला संबंध निर्माण होईल. व्यावसायिक सौदा मनाजोगा होईल. कौटुंबिक संपत्तीत वाढ होईल. मुलांकडून चांगली बातमी मिळेल.
धनू:- अडकलेले पैसे मिळतील. अध्यात्मावरील विश्वास वाढेल. नवीन संकल्पामुळे कामांना गती मिळेल. निर्णय फायदेशीर ठरतील. एखादी भेट वस्तु मिळेल.
मकर:- वरिष्ठांशी मतभेदाची शक्यता. वैवाहिक जीवनात सुसंवाद राहील. जोडीदाराला वेळ दिल्याने नाते अधिक मजबूत होईल. हितशत्रू नरमाईची भूमिका घेतील. पाहुण्यांचे घरी आगमन होईल.
कुंभ:- हातातील कामात यश येईल. वाहन विषयक काम पूर्ण होईल. नोकरदारांच्या अधिकारात वाढ होईल. घरगुती वापरासाठी वस्तु खरेदी कराल. नवे संकल्प कराल.
मीन:- मुलांचे प्रश्न सोडवाल. आर्थिक बाबतीत वडीलांचे सहकारी लाभेल. हवामान बदलानुसार आरोग्याची काळजी घ्यावी. प्रेमिकांचा उत्साह वाढीस लागेल. मित्रांबरोबर वेळ घालवाल.
(ज्योतिषी विद्याधर करंदीकर )
© IE Online Media Services (P) Ltd
