मेष:- घरासाठी काही खरेदी कराल. दिवसभर कामाची दगदग राहील. जोडीदाराची प्राप्ती वाढेल. जुगारातून आर्थिक लाभ संभवतो. खाण्या-पिण्याचे पथ्य पाळाल. वृषभ:- मुलांचा लहरीपणा जाणवेल. आरोग्यात सुधारणा होईल. जोडीदाराशी गप्पा-गोष्टी कराल. रागावर नियंत्रण ठेवावे. कौटुंबिक खर्च वाढेल. मिथुन:- कौटुंबिक वातावरण शांत ठेवावे. नातेवाईकांशी मतभेद संभवतात. आपली पत-प्रतिष्ठा सांभाळावी. मित्रांचा गैरसमज दूर करावा. बाहेरील अन्नपदार्थ खाऊ नयेत. कर्क:- उत्तम वैवाहिक सौख्य लाभेल. हातातील अधिकाराचा वापर करावा. कामाचे समाधान लाभेल. प्रेमसंबंध अधिक घट्ट होतील. करमणुकीत दिवस व्यतीत कराल. सिंह:- चोरांपासून सावध राहावे. कोणाचाही मत्सर करू नये. भावंडांशी मतभेद संभवतात. परिस्थितीला नावे ठेवू नका. आत्मविश्वास बाळगावा. कन्या:- क्षुल्लक गोष्टी मनावर घेऊ नयेत. डोकेदुखीचा त्रास जाणवेल. वादविवादात अडकू नका. कामातील जोम वाढेल. तुमचे श्रम वाढू शकतात. तूळ:- श्रमामुळे थकवा जाणवू शकतो. काही कामे संथ गतीने होतील. अडथळ्यातून मार्ग काढाल. ध्यानधारणा करावी. कमिशनमधून फायदा संभवतो. वृश्चिक:- हजरजबाबीपणे उत्तरे द्याल. चलाखीने कामे कराल. सर्वांशी गोडीने वागाल. तुमचा तर्क अचूक ठरेल. अंगीभूत कलेला प्रसिद्धी मिळेल. धनु:- प्रौढपणे विचार मांडाल. कौटुंबिक सौख्य उत्तम लाभेल. आवडीचे पदार्थ चाखायला मिळतील. गृहोपयोगी वस्तू खरेदी कराल. मानसिक व्यग्रता जाणवेल. मकर:- दिवस आनंदात जाईल. कामात स्त्री वर्गाची मदत घ्याल. लहानात लहान होऊन खेळाल. सरकारी कामे वेळ खातील. वरिष्ठांना नाराज करू नका. कुंभ:- बोलण्याने सगळ्यांना जिंकून घ्याल. औद्योगिक वातावरण चांगले राहील. काही कामे कमी श्रमात पार पडतील. मनातील इच्छा पूर्ण होईल. वाद-विवादात पडू नये. मीन:- चित्त एकाग्र करावे. सुप्त इच्छा पूर्ण होईल. व्यवसायातून चांगला लाभ होईल. मित्रांच्या ओळखीचा फायदा होईल. उत्तम वाहन सौख्य लाभेल. – ज्योतिषी विद्याधर करंदीकर