मेष:- पारमार्थिक उन्नतीला प्राधान्य द्याल. कर्मठपणे मत मांडाल. वडिलधाऱ्यांचा योग्य तो मान ठेवावा. सेवावृत्तीने कामे कराल. कल्पनाशक्तीला चांगला वाव मिळेल. वृषभ:- आरोग्याबाबत हयगय करू नये. प्रतिकुलतेतून मार्ग काढाल. विरोधकांवर लक्ष ठेवावे. काही गोष्टींमध्ये संयम बाळगावा लागेल. मानसिक स्थैर्य जपावे. मिथुन:- वाणीतील गोडवा जपावा. आवडीचे पदार्थ चाखायला मिळतील. जोडीदाराच्या संयमाचे कौतूक कराल. शांतपणे विचार करावा. वैचारिक प्रौढता दाखवाल. कर्क:- वैवाहिक सौख्यात भर पडेल. उदार मतवादी असाल. आळस दूर सारावा. कामाचे समाधान मिळेल. कणखरपणे आपले विचार मांडावेत. सिंह:- व्यावहारीक दृष्टीकोन ठेवाल. मुलांशी वादाचे प्रसंग टाळावेत. ज्ञानाचा योग्य वापर करण्याची संधी मिळेल. मानसिक व्यग्रता टाळावी. सखोल ज्ञानावर भर द्याल. कन्या:- स्त्री सहवासात रमाल. सामाजिक दर्जा सुधारण्यास मदत होईल. सतत प्रयत्नशील रहाल. शांत, निवांत वातावरणात रमाल. चांगले गृहसौख्य लाभेल. तुळ:- मानाने पैसा कामवाल. पराक्रमाला चांगला वाव मिळेल. सामाजिक गोष्टीत पुढाकार घ्याल. मुलांच्याबाबत दक्षता बाळगावी. प्रवास चांगला होईल. वृश्चिक:- स्वत:चे स्थान टिकवण्याचा प्रयत्न कराल. स्थावरची कामे निघतील. काटकसरीने वागाल. कौटुंबिक जबाबदारीची जाणीव ठेवून वागाल. जुन्या कामात वेळ जाईल. धनु:- कामातील अडथळे दूर सारावेत. आपला दर्जा सुधारण्याचा प्रयत्न कराल. चिकाटीने कामे हाती घ्याल. निराशा दूर सारावी. तुमची वागणूक आदर्श असेल. मकर:- राहणीमान उंचावण्याचा प्रयत्न कराल. जोडीदाराच्या निश्चयावर खुश असाल. वैवाहिक सौख्यात भर पडेल. सहकुटुंब प्रवासाचे बेत आखाल. खर्चावर नियंत्रण ठेवावे. कुंभ:- कामाचा उरक चांगला असेल. आरोग्यात सुधारणा होईल. कार्यपद्धतीत सुधारणा कराल. व्यावसायीक लाभावर लक्ष ठेवा. जुने मित्र भेटतील. मीन:- बौद्धिक गोष्टीत लक्ष घालाल. आवडती वस्त्रे खरेदी कराल. चोखंदळपणा दर्शवाल. मुलांच्या शैक्षणिक प्रगतीवर लक्ष ठेवा. स्वत:च्या मतावर आग्रही राहाल. – ज्योतिषी विद्याधर करंदीकर
