मेष:- स्थावरची कामे मार्गी लागतील. हातून एखादे सत्कार्य घडेल. हाती घेतलेल्या कामात यश येईल. चांगली मन:शांती लाभेल. तुमच्या प्रतिष्ठेत वाढ होईल. वृषभ:- प्रवासात सर्वतोपरी काळजी घ्यावी. काहीशी कौटुंबिक चिंता सतावेल. काटकसरीने वागावे लागेल. जोडीदाराचा वरचष्मा राहील. मतभिन्नता दर्शवू नका. मिथुन:- मुलांकडून आनंद वार्ता मिळतील जोडीदाराचा प्रेमळ सहवास लाभेल. बाहेरील अन्नपदार्थ टाळा. तुमचे संपर्क क्षेत्र वाढेल. चांगले वाहन सौख्य लाभेल. कर्क:- नातेवाईकांशी सलोखा वाढवावा. मनातील अकारण भीती बाजूला सारावी. नामस्मरणाचा लाभ घ्यावा. कौटुंबिक खर्च वाढेल. तब्येतीकडे दुर्लक्ष करू नका. सिंह:- वरिष्ठांकडून प्रशंसा केली जाईल. तुमच्या ज्ञानात भर पडेल. हातातील कामे तडीस जातील. कुटुंबात मंगल कार्य होईल. ओळखीचा फायदा घ्यावा. कन्या:- अतिअपेक्षा बाळगू नका. खर्चाचे योग्य नियोजन करावे. समाधान बाळगणे गरजेचे आहे. मानसिक शांतता जपावी. जोडीदाराची बाजू लक्षात घ्या. तुळ:- प्रवासात योग्य खबरदारी घ्यावी. नातेवाईकांमधील दुरावा दूर करण्याचा प्रयत्न करावा. व्यावसायिक चिंता लवकरच मिटेल. हातातील कामांत कसूर करू नका. अनाठायी खर्च टाळावा. वृश्चिक:- हातात नवीन अधिकार येतील. भान राखून वागावे. वरिष्ठांची मर्जी राहील. धाडसाने कामे हाती घ्यावी. कामे अधिक उर्जेने कराल. धनू:- कौटुंबिक काळजी करू नका. जबाबदारीची जाणीव ठेवा. अतिविचारात वेळ व्यर्थ जाईल. सामुदायिक वादापासून दूर राहावे. दूरच्या प्रवासात काळजी घ्यावी. मकर:- गरज लक्षात घेऊन खर्च करा. मैत्रीत गैरसमज टाळावेत. स्थावरच्या कामांतून फायदा संभवतो. अचानक धन लाभाची शक्यता. कौटुंबिक सौख्याचा विचार कराल. कुंभ:- बढतीसाठी प्रयत्न करावेत. कामातून चांगली आर्थिक प्राप्ती होईल. झोपेचे तक्रार जाणवेल. कामाच्या ठिकाणी मान वाढेल. फसवणुकीपासून सावध रहा. मीन:- अपवादाकडे लक्ष देऊ नका. व्यावसायिक लाभाकडे लक्ष केन्द्रित करा. हितशत्रूंपासून सावध रहा. मानपमानाचे प्रसंग मनावर घेऊ नका. कौटुंबिक शांतता जपावी. – ज्योतिषी विद्याधर करंदीकर