Shani Mangal Gochar 2024 : वैदिक ज्योतिषशास्त्रानुसार, ग्रहांचा सेनापती मंगळ एका ठराविक काळानंतर राशिबदल करतो. मंगळाच्या राशिबदलामुळे १२ राशींच्या लोकांच्या आयुष्यात प्रत्यक्ष-अप्रत्यक्षपणे प्रभाव पडत असतो. नऊ ग्रहांमध्ये मंगळ हा खूप खास ग्रह मानला जातो. मंगळ पुरुष स्वभावाचा ग्रह आहे आणि त्याचप्रमाणे तो गतिमान व आज्ञाधारकही आहे. त्याला भूमिपुत्र व युद्धदेवता, असे म्हटले जाते. दसऱ्यानंतर मंगळ ग्रह कर्क राशीत प्रवेश करणार आहे आणि कर्क राशीत येताच मंगळावर शनीची वक्रदृष्टी पडणार आहे. अशा स्थितीत षडाष्टक नावाचा योग तयार होईल. या योगाच्या निर्मितीमुळे काही राशींना फायदा; तर काही राशींनी सावधगिरी बाळगणे आवश्यक आहे. षडाष्टक योग तयार झाल्यामुळे कोणत्या राशींना अडचणी येऊ शकतात ते जाणून घेऊ.
ज्योतिषशास्त्रानुसार जेव्हा मंगळ आणि शनि एकमेकांपासून सहाव्या व आठव्या घरात असतात तेव्हा षडाष्टक योग तयार होतो. २० ऑक्टोबर २०२४ रोजी दुपारी ३.०४ वाजता मंगळ कर्क राशीत प्रवेश करील.
मेष ( Aries Horoscope )
षडाष्टक योग मेष राशीच्या लोकांसाठी काही समस्या निर्माण करू शकतो. घरामध्ये काही मुद्द्यांवरून वाद होऊ शकतात. त्यामुळे तुम्हाला तुमच्या रागाकडे थोडे लक्ष देणे आवश्यक आहे. करिअरमध्येही अनेक प्रकारच्या समस्या उद्भवू शकतात. सहकारी आणि वरिष्ठांचे सहकार्य न मिळण्याची शक्यता आहे. आर्थिक परिस्थितीबद्दल बोलायचे झाल्यास, अनावश्यक खर्चामुळे तुम्हाला त्रास होईल. तुम्हाला पैसे वाचविण्यासाठी एक योजना बनवावी लागेल. व्यवसायाबद्दल बोलल्यास, अनेक ऑर्डर, संधी हातून निसटू शकतात. अशाने आर्थिक नुकसान होऊ शकते. तुमच्या जोडीदाराशी काही मुद्द्यांवरून मतभेद होऊ शकतात. आरोग्याची विशेष काळजी घ्या.
सिंह (Leo Horoscope )
मंगळचा कर्क राशीत प्रवेश झाल्यानंतर शनीच्या वक्रदृष्टीमुळे सिंह राशीच्या लोकांच्या आयुष्यात अनेक प्रकारच्या समस्या निर्माण होऊ शकतात. अनावश्यक खर्चामुळे तुम्हाला त्रास होऊ शकतो. तुमचा अध्यात्माकडे अधिक कल असेल. अशा परिस्थितीत तुम्ही मित्र किंवा कुटुंबासह धार्मिक प्रवासाला जाऊ शकता; मात्र अनावश्यक खर्च टाळा. अशा परिस्थितीत प्री-प्लॅन बनवा. करिअरमध्येही खूप ताण येऊ शकतो. तुम्ही जोमाने नवीन नोकरी शोधू शकता. तुमचे व्यावसायिक भागीदाराशी काही मुद्द्यांवर मतभेद होऊ शकतात. अशा परिस्थितीत तुमच्या व्यवसायावर विपरीत परिणाम होऊ शकतो. आर्थिक नुकसानही होण्याची शक्यता आहे. जीवनात आनंदाचे क्षण फार कमी येतील. कोणत्या ना कोणत्या मार्गाने अडथळे येत राहतील. आरोग्याबाबत थोडे सावध राहा. अशा परिस्थितीत खर्च जास्त असू शकतो.
© IE Online Media Services (P) Ltd